टटका खबर, बियफे. जेठ अन्हरिया प्रतिपदा, 2078 विक्रमी

by | May 27, 2021 | 0 comments

(प्रतीक फोटो)

काल्हु आइल भयंकर समुद्री तूफान यास उत्‍तर-पश्चिम ओर बढ़त कमजोर हो गइल. भारतीय मौसम विभाग के कहना बा कि एह तूफान से अंडमान निकोबार द्वीप समूह, ओडिशा, अउर पश्चिम बंगाल में सबले बेसी नुकसान भइल बा. घनघोर बरखा आ आन्ही से किनाते के कई एक गाँव में बाढ़ आ गइल आ कई जगहा तटबंध टूट गइल. समुद्री लहर दू से चार मीठर ले उँच उठल रहे. समुद्र किनारे एकर रफ्तार कई जगहा 190 किलोमीटर प्रतिघंटा के रहल. राज्य सरकार नुकसान के आकलन करे में लागल बाड़ी सँ. ममता बनर्जी के कहना बा कि उनुका राज्य में नाहियो त एक करोड़ लोग एह तूफान से प्रभावित भइल बा.

सपा सांसद मोहम्मद आजम खां के तबीयत फेरु बिगड़ गइल बा आ उनुका के फेरु आईसीयू में भेज दीहल गइल बा.

शेयर बाजार में काल्हु लिवालन के दिन रहल. शुरुआत में गिरावट देखल गइल बाकिर गँवे गँवे लिवाल हावी होत गइलें. सेंसेक्स कल्हु फेर 51000 के निशान पार क लिहलसि त निफ्टी 15300 का उपर बंद भइल. आजु दुनिया के बाजार से मिलत संकेत कमजोरी के बा. दोसरे आजु वायदा बाजार के साप्ताहिक आ मासिक निपटान के दिन होखला का चलते लिवाल-बिकवाल दुनु आपन हिसाब-किताब बराबर करे में जुटीहें त बाजार कवनो करवट बइठ सकेला.

टोक्यो ओलंपिक खातिर चुना चुकल भारत के पुरुष मुक्केबाज अमित पंघल काल्हु दुबई में होखत 2021 एएसबीसी महिला अउऱ पुरुष एशियाई मुक्केबाजी चैंपियनशिप के तिसरका दिने सेमीफाइनल में जगह बना लिहलें आ एकरा साथही एह प्रतियोगिता में भारत के 13 गो पदक मिलल तय हो गइल.

भोजपुर जिला के नगर थाना के भलुहीपुर में एगो वार्ड पार्षद का घर पर शराब की पार्टी मनावत डेढ़ दर्जन लोग के काल्हु पुलिस गिरफ्तार क लिहलसि आ मौका से एगो राइफल, ढेरे कारतूस, साढ़े सात लाख रुपिया नगद आ 15 गो मोबाइल फोन जब्त कइलसि.

सारण जिला के मशरक इलाका में बंगरा पेट्रोल पंप का लगे ट्रैक्टर से धक्का लगला का चलते बाइक सवार दू गो नवहियन में से एगो मौत ओहिजो हो गइल आ दुसरका गभीराह घवाहिल हो गइल. हादसा का बाद चालक ट्रैक्टर छोड़ के सरक गइल. दोसर हादसा कोपा इलाका के मुसेहरी गाँव का नियरा भइल जहवाँ अचके में सामने नीलगाय आ गइला से बाइक पलटि गइल आ अपना बाप का साथे बाइक पर बइठल सात बरीस के लइकी के ठाँवे पर मौत हो गइल जबकि बाप बहुते घवाहिल हो गइल बाड़ें. सारण से तिसर खबर कोपा इलाका के कुमना गाँव के बा जहवाँ निकाह समारोह पर गाँवे के लोग के कइल हमला में एक आदमी के मौत हो गइल आ कई जने घवाहिल हो गइलें.

गोपालगंज जिला के बरौली इलाका में प्यारेपुर गाँव का नियरा भइल बस आ ट्रक के टक्कर में दू आदमी के मौत हो गइल आ नाहियो त एक दर्जन लोग घवाहिल हो गउवे.

रोहतास जिला के काराकाट इलाका के करुप इंग्लिश गाँव में पारिवारिक विवाद में एगो आदमी अपना बाप आ छोट भाई के खून कर दिहलसि आ फरार हो गइल बा.

पश्चिम चंपारण जिला के चौतरवा इलाका में लक्ष्मीपुर गांव का नियरा एगो बस से कचरा के गाँवे के एगो सात बरीस के लइका के मौत हो गइल.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up