टटका खबर, मंगल, 30 मार्च 2021

by | Mar 30, 2021 | 0 comments

काल्हु देश में होली के त्योहार खुशी खुशी मना लीहल गइल. कतहीं से कवनो अइसन खराब खबर नइखे जवन होली के उल्लास कम करे वाला होखो.

पश्चिम बंगाल विधानसभा चुनाव के धुरी बनल नंदीग्राम में तृणमूल के ममता बनर्जी आ भाजपा के शुवेन्दु अधिकारी का बीच काँटा के टक्कर चल रहल बा. एही चलते ममता अपना के पाँच दिन खातिर नंदीग्रामे में रुक के अपना प्रचार में लागल बाड़ी. काल्हु उनुका पर बड़हन जुबानी हमला करत शुवेन्दु कहलन कि ईद मुबारक कहे के आदी ममता बेगम होलीओ पर होली मुबारक कह बइठली. अगर उनकर सरकार फेरु बन गइल त बंगाल के मिनी पाकिस्तान बने में देर ना लागी. अबहीं त हार का डर से ऊ मंदिरे मंदिर माथा टेकत बाड़ी. ममता के बाहरी आ अपना के स्थानीय बतावत शुवेन्दु कहलन कि हालही में सामने आइल उनुका आडियो से साफ हो जात बा कि ना त ऊ पहिले नंदीग्राम आवत रही, ना आगे अइहें. ऊ चुनाव के बाद नंदीग्राम से बाहर उड़ जइहे.

कोरोना के दुसरका दौर देश के चिन्ता में डलले बा. भारतीय क्रिकेट टीम के कई जने पुरनिया दिग्गजन के कोरोना के चपेटा में आ जाए के खबर आइल बा. हाल ही में भारत में खेलल गइल वर्ल्ड रोड सेफ्टी सीरीज में खेले वाला चार जने भारतीय खिलाड़ी कोरोना पॉजिटिव मिलल बाड़ें. पहिले सचिन तेंदुलकर के कोरोना होखे के खबर आइल त अब यूसुफ पठान अपना के कोरोना पॉजिटिव होखे के जानकारी दिहले बाड़न आ कहलन कि बल्लेबाज रहल एस बद्रीनाथ कोरोना छुताह हो गइल बाड़न.

देश में सबले अधिका कोरोना मरीज महाराष्ट्र में मिलत बाड़ें. ओहिजा कोरोना के पसार देखत मुख्यमंत्री उद्धव ठाकरे अधिकारियन से लॉकडाउन करे के सलाह दिहले बाडडन. बाकिर सरकार में शामिल राकांपा के राय एहसे उलट बा आ एनसीपी नइखे चाहत कि लॉकडाउन लगावल जाव. ओकर कहना बा कि कोरोना रोके के दोसर राह खोजल जाव.

बिहार के कैमूर जाला के बेलांव आ अधौरा इलाका के ताला गांव में सोमार का दिने भइल अलग अलग सड़क हादसन में एगो 2 बरीस के लइका आ एगो नवही के मौत के खबर बा.

भोजपुर जिला के शाहपुर इलाका के एगो गाँव के लइकी के दिन में दिशा मैदान करे जात घरी ओही गाँव में अपना ममहर में रहे वाला एगो नवही अपना संघतिया संगे मिल के गैंगरेप कउवे. एह बाति के शिकायत राजद विधायक राहुल तिवारी थाना में कइलें त थानेदार से उनुकर बतकही हो गउवे. एह बतकही के रिकार्डिंग का साथे ऊ डीएम-एसपी से शिकायत कइले बाड़न.

बिहार बोर्ड के मैट्रिक रिजल्ट 5 अप्रैल ले जारी हो जाए के उमेद बा.

फगुआ खेल के नहाए गइल पाँजने के देवरिया जिला में अलगा अलगा जगहा से डूबे के खबर आइल बा. सलेमपुर इलाका के नदावर घाट पर एगो लइका डूब गइल. बरहज के एगो नवही के नदी में डूबे के खबर बा. बरियारपुर के एगो आदमी घटाला गाजी के पोखरी में डूब गइल,. भटनी इलाका के शिव बनकटा में छोटकी गंडक में नहाए गइल दू गो नवहियन के डूबे के खबर बा.

जौनपुर जिला के लाइन बाजार इलाका में चुनावी रंजिश लेके भइल मारपीट आ फायरिंग में एगो मिठाई बेचे वाला के मौत होखे के खबर बा.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up