टटका खबर, शनिचर, १७ अप्रैल

by | Apr 17, 2010 | 0 comments

अंसारी भाईयन के बसपा से निकालल गइल

मुख्तार अंसारी आ उनका भाई अफजाल अंसारी के बसपा से निकाल दिहल गइल बा. पार्टी के कहनाम बा कि ऊ लोग भरोसा दिअवले रहुवे कि अब अपराध ना करी लोग बाकिर देखल जा रहल बा कि अबहियो ऊ लोग अपना पुरनके राह पर चल रहल बा. एहसे दुनु जने के बसपा से निकाल दिहल गइल. मुख्तार अंसारी तबहियो जेले में रहलें अबहियो जेले नें बाड़न. उनका पर भाजपा विधायक कृष्णानन्द राय के हत्या के आरोप बा.

यूपी के प्राविधिक प्रवेश परीक्षा आजु

यूपि के इंजीनियरिंग कालेजन में प्रवेश खातिर आजु परीक्षा आयोजित बा जवन चार पाली में होखी. हर केन्द्र पर फोटोग्राफर आ वीडियोग्राफर के व्यवस्था कइल गइल बा जवना से मुन्ना भाई अपना बदले दोसरा से इम्तिहान मत दिलवा लेव लोग. कैलकुलेटर आ मोबाइल ले के परीक्षा केन्द्र मे घुसे पर रोक लगा दिहल बा. सवा दू लाख से बेसी विद्यार्थी एह प्रवेश परीक्षा में शामिल भइल बाड़े जवना खातिर कुल २६१ गो केन्द्र बनावल गइल बा.

आईआईटी के प्रवेश परीक्षा फेर से लिहल जाव

बिहार के मुख्यमंत्री नीतीश कुमार केन्द्रीय मानव संसाधन मंत्री कपिल सिब्बल से भेंट कर के आईआईटी के प्रवेश परीक्षा में हिन्दी भाषी विद्यार्थियन के जान बूझ के नुकसान चहुँपावे के व्यवस्था का बारे में सिलसिलेवार ब्योरा दिहलें आ कहलें कि जरुरी बा कि एह प्रवेश परीक्षा के फेर से करावल जाव. एके सवाल के जवाब हिन्दी में दिहला पर तीन गो नम्बर मिली जबकि अंगरेजी में दिहला पर आठ गो नम्बर के व्यवस्था बा. शायद चाहत बा लोग कि हिन्दी माध्यम से परीक्षा देबे वालन के प्रवेश ना हो पाये.

सुप्रीम कोर्ट के अधिकार पर सवाल उठवलसि गुजरात सरकार

सुप्रीम कोर्ट में दाखिल अॡना हलफनामा में गुजरात सरकार कहले बिया कि सुप्रीम कोर्ट के अधिकार नइखे कि ऊ गुजरात दंगा के मुकदमन के सुनवाई पर रोक लगा देव. साथही इहो कहले बा कि विशेष जाँच दल के अधिकार नइखे कि ऊ मुख्यमंत्री के समन भेज सके. तीस्ता सीतलवाड पर गवाहन के धमकावे के मुकदमो चलावे के माँग कइले बिया गुजरात सरकार कि ऊ एह मामिला में बेजाँय दबाव डाल रहल बाड़ी.

अपना औकात के थाह लाग गइल केन्द्र सरकार के

केन्द्र सरकार के सगरी हेकड़ी निकल गइल बा आ अब महिला आरक्षण विधेयक के तेलहण्डा में डाल दिहल गइल बा. सरकार के मालूम बा कि ऊ एह विधेयक के पारित ना करवा पाई. अबहीं त वित्ते विधेयक पास करावे में पसीना छूट रहल बा. असल में महिला विधेयक खातिर संविधान में संशोधन करावे के पड़ी जवना खातिर दु तिहाई बहुमत चाहीं जवन सरकार का लगे हइये नइखे ना जोगाड़ बइठे के संभावना बा.

हिन्दू देवी देवता के नंगा तस्वीर बानवे वाला के डीलिट् दीहि मुस्लिम विश्वविद्यालय

गैर हिन्दू होखला का बावजूद भा चलते हिन्दू देवी देवता के नंगा तस्वीर बनावे वाला एम एफ हुसेन के अलीगढ़ मुस्लिम विश्वविद्यालय डीलिट् के मानद उपाधि देबे के फैसला कइले बा. हुसेन कानूनी कार्रवाई से बचे खातिर देश के नागरिकतो छोड़ दिहले बा एकरा बावजूद ओकरा के उपाधि दिहल जात बा कि ना से देखे लायक बात होखी. हिन्दूवन के भावना के चोट पहुँचावे वाला एह आदमी के पैरोकार सगरी सेकूलर मीडिया बा. एही सब का चलते सेकूलर के मतलबे हो गइल बा हिन्दू विरोधी.

खाप का कोप से डेराइल जज आपन तबादला मँगली

सगोत्री विवाह करेवाला एगो जोड़ा के हत्या के आरोप में पाँच आदमी के मौत के सजाय सुनावे वाली जज वाणीगोपाल शर्मा अपना तबादला के माँग कइले बाड़ी. उनका डर बा कि खपा महापंचायत उनका जान पर जोखीम ले आ सकेला. महापंचायत साफ कहले बा कि चाहे जवन कुछ हो जाव सगोत्री विवाह करे वालन के जिन्दा ना छोड़ल जाई.

स्कूल बोर्ड कर्मचारियन के हड़ताल टूटल

बिहार स्कूल एक्जामिनेशन बोर्ड के सीनियर सेकेण्डरी सेक्शन के कर्मचारियन के दस दिन पुरान हड़ताल टूट गइल जब मुख्यमंत्री नीतीश एह बात के आश्वासन दे दिहलें कि ओह लोग का माँग जल्दिये मान लिहल जाई. एह हड़ताल से राज्य के लाखों विद्यार्थियन के भविष्य पर संकट आ गइल बा. अगर समय पर परिणाम ना घोषित भइल त ओह लोग के एडमिशन प्रोफेशनल कोर्सेज में ना हो पाई.

भयंकर गर्मी मे ठण्ढक चहुँपावे वाली खबर

भयंकर गरमी झेल रहल उत्तर भारत के लोग एह बात से तनी राहत महसूस कर सकेला कि आवेवाला मानसून बढ़िया रही. मौसम विभाग के कहनाम बा कि एल नीनो के एहसाल कवनो असर ना पड़ी आ पूरा दक्षिण एशिया में बढ़िया बरसात होखी.

डेक्कन चार्जर्स आपन उम्मीद जिन्दा राख लिहलसि

काल्हु के मैच में किंग्स इलेवन पंजाब के हरा के डेक्कन चार्जर्स सेमीफाइनल में चहुँपे के आपन सपना जिन्दा राख लिहलसि. पर साल के आईपीएल विजेता रहुवे डेक्कन आ एह साल ओकरा सेमीओफाइनल खेले पर संदेह बन गइल रहुवे. आजु मुंबई इण्डियन्स के मुकाबिला बेंगलुरु के रायल चैलेंजर्स से बा.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up