टटका खबर

by | Nov 14, 2010 | 0 comments

यूपी विधान परिषद के चुनाव परिणाम
यूपी विधान परिषद के पाँच गो सीट पर भइल चुनाव के परिणाम मिल गइल बा. कानपुर स्नातक सीट से जगेन्द्र स्वरूप. गोरखपुर फैजाबाद स्नातक सीट से सपा के देवेन्द्र प्रताप सिंह, बरेली मुरादाबाद शिक्षक सीट से भाजपा के डा॰ नेपाल सिंह, कानपुर शिक्षक सीट से राजबहादुर चन्देल, आ इलाहाबाद झाँसी सीट से सुरेश कुमार त्रिपाठी जीतले बाड़े. एह चुनाव में बसपा कवनो उम्मीदवार ना दिहले रहुवे बाकिर भाजपा, सपा, आ कांग्रेस जरुर चुनाव लड़ले रहन.

चउदह कोसी परिक्रमा शुरु
रामजन्मभूमि अयोध्या में आजु सबेरे से चउदह कोसी परिक्रमा शुरु हो गइल. पंच कोसी परिक्रमा बुध का दिन प्रबोधिनी एकादशी से शुरु होखी. कातिक पूरनमासी के नहान बीस एकईस नवम्बर के अधरतिया से शुरु होखी.

रणजी क्रिकेट
रणजी क्रिकेट के ग्रुप मैच में यूपी आ उड़ीसा के मैच बिना कवनो नतीजा के रहल बाकिर पहिला पाली के बेहतर रहला का चलते यूपी के तीन अंक मिल गइल. उड़ीसा के कवनो अंक ना मिलल.

बिहार के चुनाव चरचा आ अउरीओ खबर
बिहार के छठवाँ आ आखिरी दौर के मतदान खातिर चुनाव प्रचार शुरु हो गइल बा. एह दौर में कांग्रेस पन सोनिया गाँधी का खिलाफ संघ के पूर्व संघचालक सुदर्शन के कहल बाति के ले के आपन प्रचार करत बिया. एही बहाने मुसलमानन के वोट संघ विरोध का नाम पर मिले के उम्मीद बा ओकरा. राहुलो गाँधी अपना चुनाव दौरा में अलीगढ़ मुस्लिम विश्वविद्यालय के छात्र नेता लोग के ले के घूमत बाड़न.
ओने नीतीश लोग के भरोसा दिआवल चाहत बाड़न कि अगर उनका फेर सरकार बनावे के मौका मिलल त अबकी बेर भ्रष्टाचारियन के गरदन नाप दीहें आ भ्रष्टाचार का कमाई से बनल आलीशान महलन में लड़िकन के स्कूल खोलवा दिहन.
लालू आ रामविलास के संयुक्त प्रचार अभियान बदस्तूर जारी बा. ओह लोग के कहना बा कि विकास के सगरी दावा खोखड़ बा. बिहार में पिछला पाँच बरिस में एकहू उद्योग नइखे खुलल.
एह दौर के मतदान बीस नवम्बर के पाँच गो जिला के छब्बीस गो विधानसभा सीटन खातिर होखे जा रहल बा.

सोलहवाँ एशियाड में पंकज आडवाणी भारत के पहिला स्वर्ण पदक दिअवलें.
चीन में चल रहल सोरहवाँ एशियन गेम्स में भारत के पहिलका स्वर्ण पदक बिलियर्ड का खेल में एकल मुकाबिला में पंकज आडवाणी दिअवलें. भारत के आजु तीन गो रजत पदक आ एगो कांस्यो पदक मिलल बा.

मधु कोड़ा के सौ करोड़ के संपत्ति जब्त होखी
प्रवर्तन निदेशालय के अदालत से आदेश मिल गइल बा आ अब ऊ झारखंड के मुख्यमंत्री रहल मधुकोड़ा के सौ करोड़ के संपत्ति जब्त करे के कार्यवाही शुरु करे जा रहल बा. मधु कोड़ा निर्दलीय होखला का बादो गठबन्हन सरकार के मुख्यमंत्री रहलें आ करोड़ों के नाजायज संपत्ति बना लिहलें.


टटका खबर से

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up