नरक में सस्तई

by | Oct 21, 2010 | 0 comments

– जयंती पांडेय

एक दिन बाबा लस्टमानंद रात में सुतल रहले. अचानक ऊ सपना देखे लगले कि एगो बड़हन मॉल (नया जमाना के बजार) में दोकान देखते – देखते ऊ नरक के दुआर पर पहुंच गइल बाड़े. उनका आगे एक जना अऊरी रहे, जेकरा के बाबा लस्टमानंद चीन्हत रहले. ऊ रहे एगो अखबार के सम्पादक. बेचारे सम्पादक जी के नजर जसहीं जमराज पर पड़ल ऊ चिचिअइले. हालत तऽ बाबा लस्टमानंदो के पातर हो गइल रहे. बेचारे सम्पादक जी घिघियइले – महाराज हमार टाइम नइखे भइल. ई तऽ हजूर माई बाप, ई तऽ सेल के कमाल हऽ कि हम देखत-देखत इहां ले चलि आइल बानी, ना तऽ हमार अभी टाइम कहां भइल बा ?

यमराज मुस्कियइले, कहले, हां भइवा ई तऽ सेल के कमाल हऽ. जवन 90 परसेंट डिसकाउंट के बोर्ड हम धरती पर लगवले रहनी ई तऽ ओही के कमाल हऽ.

सम्पादक जी घिघियले, नरक में डिसकाउंट कइसन सरकार ? इहां तऽ आदमी के सजाय होला. इहां तऽ ऊ लोग आवेला जे धरती पर पाप करेला चाहे गलत काम करेला.

जमराज हंसले, अरे मानव तूं तऽ धरती पर ठाट बाट के सब साधन रखले बाड़ऽ, जे मन करेला ऊ बनावे लऽ. परखनली शिशु बना लेहलऽ, कवनों दिन अमरता के टानिक पी लेबऽ आ एहिजा केहु अइबे ना करी तब हमनी का करब सन ? एहि से हमनियो का एहिजा सब सुख सुविधा जोगाड़ करऽतानी सन. अब तूं ही लोग जे मीडिया में ऊंचा पद पर बाड़ऽ लोगिन ऊ लोग सब चोरन के पहिलका पेज पर छाप के हीरो बना देलऽ लोगिन. अब ऊ लोग जे इहां आयी तऽ कइसे रही लोग ?

जमराज के बात पर सम्पादक तनी घूम के देखे चहलें. देखि के अइले तऽ फटाफट फारम भरले आ धरती की ओर चल दिहले, परिवार ले आवे.

अतनही देखले तबले अचके में लस्टमानंद के आंखि खुल गइल.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up