नहला पर कल्पना के दहला

by | Jan 18, 2011 | 0 comments

भारत जइसन दैश में जहाँ अरब से बेसी के आबादी बा. अनगिनत भाषा आ बहुते संगीत धारा बहेला, ओहिजा एगो मनसायन करे वालन का भीड़ में अलगा नजर आवे खातिर खास गुण के जरुरत होला. सौभाग्य से भोजपुरी कल्पना का लगे एकर बोरा के बोरा बा.

आजु का दिन में भोजपुरी के सबले लोकप्रिय कलाकारन में से एक कल्पना पर बरीस २००२ में लोग के धेयान गइल जब उनकर अलबम, “गवना ले जा राजाजी” रिलीज भइल. ओकरा बाद से त कल्पना के लोकप्रियता हमेशा बढ़ते चलि गइल आ आजु ऊ घर घर में जानल पहिचानल नाम हो गइल बाड़ी. अबले कम से कम डेढ़ सौ भोजपुरी फिल्मी गाना, एक सौ हिन्दी फिल्मी गाना, चार सो से बेसी टीवी जिंगल रिकार्ड करवला का साथ साथ महुआ टीवी पर सुर संग्राम के दुनु सीजन आ कुछ अउरी टीवी शो पेश कर चुकल बाड़ी.

कल्पना के फेरु महुआ टीवी अपना नयका रियलिटी शो “नहले पे दहला” खातिर जज का तौर पर चुनले बा. एह शो में यूपी आ बिहार के नन्हका सुरवीर आपन कला देखइहें. आजु का जमाना में जब कला का साथ साथ लुको ओतने खास हो गइल बा, गायिका कल्पना आपन खास अन्दाज देखावे में कवनो कोर कसर नइखी छोड़े वाला. काहे कि शो के बाल बच्चन का साथे बापो महतारी लोग देखबे करी. कल्पना एह शो खातिर बहुते तइयारी में लागल बाड़ी कि बहुते जवान आ आधुनिक लागसु. नयका हेयर स्टाइल, नया पहिरावा, छिलल शरीर…. शायद कल्पना फिल्म के नायिको लोग के कम्पटीशन देबे जा रहल बाड़ी.

शो के कलाकार आठ से तेरह साल के बीच के उमिर के रहीहें. टीम यूपी आ बिहार में ना बाँट के लड़िका आ लड़िकी के टीम में बाँटल जाई. लड़कियन के टीम के उत्साह कल्पना बढ़इहें जबकि लड़िकन के टीम के उत्साह पवन सिंह. कल्पना के कहना बा कि ऊ लड़कियन के उत्साहित करे खातिर एहसे अउरी उत्साहित बाड़ी कि जब ऊ भोजपुरी गायन में अइली तब भोजपुरी में गायिका कमे रहली आ कहात रहे कि निमन घर के लड़की गाना ना गावेली सँ. कल्पना अपना शुरुआती दिन का बारे में बतावत कहली कि ऊ भजन, आधुनिका गीत, आ भड़कदार आयटमो गीत गा के देखा दिहली कि ई सब प्रोफेशनल बाति होला आ गायन लड़कियनो खातिर एगो बढ़िया प्रोफेसन बनि सकेला. कल्पना एह नया चलन के चला के बहुते खुश बाड़ी.

टीम के लड़कियन के चुनाव करे में कल्पना खुद पटना, लखनऊ, बनारस वगैरह गइली आ प्रतिभागियन के इनडोर आ आउटडोर चयन में शामिल रहली. आजुकाल्हु कल्पना भिखारी ठाकुर के संगीत धरोहर सम्हारे वाली एगो योजना में लागल बाड़ी जवना के संगीत टाइम्स म्यूजिक जारी करे वाला बा. एह अलबम से भोजपुरी के भुलात बिलात लोक संगीत सगरी दुनिया के सोझा आवे वाला बा.


(स्रोत – म्यूजिक बाक्स)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up