बतकुच्चन – १०

by | May 8, 2011 | 0 comments

आजु पता ना काहे मन अँउजाइल बा. लागत बा कि कंठ में कुछ अटकल बा अँउजार जइसन. आ कंठ का भीतर कुछ अटकल होखे त जान पर आफत बनि जाला कबो-कबो. अलगा बाति बा कि कंठ का बाहर लटकल कंठहार औरतन के सुंदरता बढ़ा देला. कंठ गवनई के सुरो के कहल जाला. जेकरा लगे कंठ नइखे ऊ लंठ बन जाला. ओकर गीतो-गवनई लाठी लेखा कपारे पड़त बुझाला. काहे कि जवना गवईया का लगे सुर नइखे ऊ असुरे जस नू होई. अब एह सुर के राखेवाला के ससुर ना कहल जा सके. याद आवत बा एगो बुड़बक के कहानी जे कुछ हिन्दी सीख के विद्वान बने के नौटंकी करत अपना ससुरारी गइल रहे आ जब ससुर जी कहलें कि आईं कुँअर जी ! त भड़क उठल रहे. कहलसि का खराबी बा हमरा में जे हमरा के कुँअर कहनी. निमना में सु भा स जोड़ल आ खरबका में कु, क भा अ. अब ससुर जी कइसे समुझावसु ओकरा के कि हउवऽ त तू सुअरे बाकिर कहीं कइसे !

कंठ पर कुछ लोग हार लटकावेला कुछ लोग माला. कंठी माला राखे वाला लोग कंठ पर कंठी आ हाथ में माला राखेला बाकिर मन में का राखेला ई के जाने. अब अपना अँउजाहट में आजु अँउजेपथार के बात मन में आ रहल बा. पथार कवनो चीज के ढेर के कहल जाला आ अँउजा बिना मतलब के चीज के. अँउजा पथार के तुलना गोबर के पथार से कइल बेमतलब रही काहे कि गोबर के पथार त पाथे का कामे आ सकेला. पाथल गोंईंठा आ चिपड़ी दुनु जाले. जब गोठ गोठ पाथ दीं त गोईंठा आ जब चिपटा दीं त चिपड़ी. अब ओह गोंईठा चिपड़ी पर रउरा लिट्टी पकाईं भा बाटी राउर मरजी. बलिया के बाटी आ छपरा के लिट्टी दुनु एके जइसन होईयो के एक ना हो सके ठीक वइसहीं जइसे गोईंठा आ चिपड़ी गोबरे से पथइला का बादो दू तरह के होला. जे दुनु खइले बा उहे जान पाई. चलीं आजु अतने.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up