बतकुच्चन – ११

by | May 16, 2011 | 0 comments

पिछला हफ्ता गोबर पथार के बात निकलल रहे त अबकी खर पतवार दिमाग में आ गइल बा. खर पतवार का बारे में सोचते दिमाग में खरखर होखे लागल जइसे कि मूंजियानी से गुजरत घरी आवाज निकलेला. अइसने खरखर से संस्कृत के एगो शब्द बनल रहे खर्पर. खर्पर से खप्पड़ बनल खप्पड़ से खपरा. अब एकरा के सोझई में समुझे के कोशिश करीं त लागी कि जवन खर पर होखे. आ साँचहू खप्पर खरे पर राखल जाला. नरिया खप्पर वाला खप्पर ओही खप्पड़ के बिगड़ल रुप ह. जइसे कि छप्पर वाला गाँव बाद में छपरा नाम से जानल जाये लगले सँ.

गाँव देहातन के त बाते छोड़ दीं, शहरो का बीचे. जूरन छपरा पता ना कतना छपरा मिल जाई. बंशी छपरा, लाकठ छपरा, गोन्हिया छपरा, लाला के छपरा, बाबू के छपरा, जीएन छपरा वगैरह वगैरह. अब देखीं खर पतवार से चलत हम कतना छपरा घूम लिहनी. भोजपुरी में आवाज से, रंग से, मनोभाव से हर तरह से शब्द बनि जाले. खपड़ा से मिलत जुलत शब्द हो गइल कपड़ा. अलगा बाति बा कि दुनु शब्द का बीच ना त ननिऔरा के संबंध बा ना ददिऔरा के. दुनु शब्द अलग अलग व्युत्पति के हउवें सँ बाकिर बतकुच्चन का फेर में खपड़ा से कपड़ा पर उतर आइल आसान लागल. आ एही पर याद आइल कि कुछ लोग ड़ के र आ र के ड़ कह देला. कहल जाला कि मुजफ्फड़पुड़ की सरकों का दुड़भाग्य है कि ओहिजा के सरकन पर घोरा पराक पराक दउड़ेले सँ.

अब एह ड़ आ र का फेर में कपड़ा से कपरा बनो भा ना हमार त कपारे घूम गइल. ठीक वइसहीं जइसे १३ मई के चुनाव परिणाम सुनि के कुछ लोग के कपार लाल हो गइल होखी कुछ लोग कपारे हाथ धर के बइठ गइल होखी. कुछ लोग पहुँच गइल होखी त कुछ पहुँचल लोग बहक गइल होखी. अब पँहुच, पहुँचा, पहुँची, पहुँचल के बात फेर कबो. हो सकेला कि ओही में चहूँपलो के चरचा हो जाव.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up