बतकुच्चन – १५

by | Jun 19, 2011 | 3 comments

पुरनका जमाना में रनिवासन में रानी लोग के खटवास-पटवास धरे खातिर एगो अलगे कक्ष भा भवन रहत रहे जवना के कोप भवन कहाव आ जहाँ रुसल आ रिसियाइल रानी लोग जा के खटवास धर लेत रहे. खबर मिलते राजा धावत चहुँप जासु अपना रानी के मनावे खातिर. आजु का जमाना में दिल्ली के जंतर-मंतर नेता लोग खातिर कोप भवन के जगहा लिहले बा.देश के कवनो नेता जब कवनो बात खातिर रुसेला आ रिसियाला त जंतर मंतर पर धरना देबे चहुँप जाला. बाकिर हर रानी कोप भवन में जाके आपन कोप देखावे ई जरुरी ना रहल. कवनो कवनो महारानी अपना महले में खटवास-पटवास कर लेत रही.

पिछला हफ्ता एही तरह एगो सन्यासी जंतर-मंतर का बदले रामलीला मैदान में हठ धर के खटवास-पटवास पर बइठ गइलन. अब बाल हठ आ सन्यासी हठ से जेकरा निबटे पड़ेला उहे जानेला कि कतना मुश्किल काम होला ई. ओह सन्यासिओ के मनावे के पूरा प्रयास कइल गइल आ जब ना मनलन त तड़ी पार करा दिहल गइल. तड़ीपार अंगरेजन का जमाना से चलल आवत बा जब ब्रिटिश सरकार कवनो आदमी से तंग आके ओकरा के जिला बदर भा तड़ीपार कर देत रहे. हमरा बतकुच्चन के ओह तड़ीपार से कवनो लेना-देना नइखे. हम त बस खटवास-पटवास का सिवान का भितरे रहब. उपवास से ऊ बात ना झलक पावे जवन खटवास-पटवास से झलकेला. उपवास त कई कारण से कइल जाला. कबो बीमारी में, कबो कवनो व्रत त्योहार में, आ कबो व्यक्तिगत भा राजनीतिक कारण से. आ एही उपवास के खटवास-पटवास कहल जाला.

खटवास आ खटवसल में तनी फरक होला. खटवसल ओह आदमी का बारे में कहल जाला जे अपना बीमारी भा कमजोरी का चलते खटिया धर लिहले होखे. तब कहल जाला कि ऊ खटवसल बाड़े. बाकिर खटवास तब होला जब केहू कवनो बाति खातिर रुसल भा रिसियाइल हो के खटिया धर लेव आ मुँह अलोत करे खातिर पट पड़ जाव. ना त तहरा के देखब ना तोहरा से कवनो बात करब. इहे खटवास-पटवास धरल कहाले.

Loading

3 Comments

  1. Ballia News

    सब्दन के खेल निराला बा…खटवासे के देखिं लीं. ए में खट (खाट यानि खतिया) पर वास…………

  2. Dinesh Shukla

    दरअसल भासा से जुड़ल होखला से भासा से संबंधित लेख पढ़ले से अपना के रोक ना पावेनी…अउर बतकुच्चन के का पूछे के…..

  3. प्रभाकर पाण्डेय

    खटवास-पटवास पर राउर बतकुच्चन बहुत नीक लागल।

    सब्दन के खेल निराला बा…खटवासे के देखिं लीं. ए में खट (खाट यानि खतिया) पर वास। वाह..अउर इ सबद एगो विसेष अर्थ में आ गइल। हाँ पर हम इहाँ इ कहल चाहत रहनी हँ कि जब सबदन में संधि होला त पहिलका सब्द (अगर खाट जइसन सबद बा—अधिका जगहि) उ आ के मात्रा निकलि के खट हो जाला जइसे खटमल…पर खटपट में इ खट नइखे। लाठी से लठमार हो जाला। मथधँक्का (माथ के मथ हो गइल बा)…जय हो…जय हो…अबहिन एतने इयाद आवता। सादर।।

    दरअसल भासा से जुड़ल होखला से भासा से संबंधित लेख पढ़ले से अपना के रोक ना पावेनी…अउर बतकुच्चन के का पूछे के…..

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up