बिहार के खबर, बियफे 1 सितम्बर का दिने

by | Sep 1, 2011 | 0 comments

  • समाचार पत्र ‘इंडियन एक्सप्रेस’ के पटना के विशेष संवाददाता संतोष सिंह के ग्रामीण रिपोर्टिंग करे खातिर प्रतिष्ठित ‘स्टेट्समैन अवार्ड-2011’ से सम्मानित कइल जाई.
  • पटना आईआईटी के एगो छात्रा के बियफे का दिने छात्रावास का छत से गिरला से मौत हो गइल. पुलिस पता लगावत बिया कि ई हत्या हवे कि आत्महत्या.
  • बिहार के रोहतास जिला के बड्डी थाना इलाका से बुध का रात एक शराब व्यवसायी के हथियार का बल पर अगवा कर लिहल गइल बा.
  • बिहार के गँवई इलाकन में बनावे खातिर दस हजार किलोमीटर सड़क के प्रस्ताव केन्द्र का लगे लटकल बा जवना के जल्दी मंजूर करे खातिर बिहार के ग्रामीण कार्य मंत्री भीम सिंह केन्द्रीय ग्रामीण विकास मंत्री जयराम रमेश से भेंट कर के निहोरा कइले.
  • माध्यमिक आ उच्च माध्यमिक शिक्षक पात्रता परीक्षा के फार्म राज्य में सैकड़ो केन्द्र पर आजु से बिकाइल शुरु हो गइल बा. फार्म के बिक्री नौ सितम्बर ले कइल जाई आ एक फार्म के कीमत डेढ़ सौ रुपिया राखल गइल बा. अनुसूचित जाति, जनजाति आ निशक्त अभ्यर्थियन खातिर दाम पचहत्तर रुपिया राखल गइल बा. बारह से बीस सितम्बर का बीच फार्म जमा कइल जा सकेला. पात्रता परीक्षा में शामिल होखे खातिर कम से कम इकईस साल के उमिर होखे के चाहीं. पहिले ई सीमा बाईस आ चौबीस साल रहे.
  • तीन लाख रुपिया से बेसी सालाना कमाई करे वाला हर आदमी के अब पेशा कर देबे के पड़ी. किसान के एह कर से मुक्त राखल गइल बा बाकिर दोसरा लोग के सितम्बर महीना में पेशा कर जमा करा देबे के पड़ी. डाक्टर वकील आ दोसर प्रोफेशनल लोग के एकरा खातिर अपना पैन कार्ड का आधार पर वाणिज्य कर विभाग में निबंधन करावे के पड़ी. तीन से पाँच लाख सालाना आमदनी पर एक हजार रुपिया, पाँच से दस लाख ले दू हजार रुपिया आ ओकरा से उपर वालन के अढ़ाई हजार रुपिया सालान कर देबे के पड़ी. एह कर से बिहार सरकार के पचहत्तर करोड़ रुपिया मिले के उमेद बा.
  • बिहार के हर नागरिक के अब स्वास्थ्य कार्ड बनावल जाई आ अठारह साल तकले लड़िकी आ चौदह साल के लड़िकन के चिकित्सा व्यवस्था सरकार कराई. बाद में विकलांग आ विधवा मेहरारूवनो के कार्ड बनावल जाई. राज्य सरकार के हर कर्मचारी के हेल्थ कार्ड बनावल जाई जवना से अढ़ाई लाख मौजूदा आ चार लाख रिटायर्ड कर्मचारियन के फायदा होई.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up