बिहार के खबर

by | Sep 20, 2011 | 0 comments

(सोमार 19 सितम्बर)

  • दिन भर अफवाह उड़त रह गइल कि झारखंड में एगो सड़क दुर्घटना में भोजपुरी अभिनेता आ लोकगायक पवन सिंह के मौत हो गइल बा. खबर एकदमे गलत रहे.
  • मोदी के उपास पर नीतीश कुमार एह मामिला पर आपन चुप्पी ना तूड़ले. जदयू के कहना बा कि नरेन्द्र मोदी के जब भाजपा अपना तरफ से प्रधानमंत्री के उम्मीदवार बनाई तबहिये कुछ कहल जाई. बिहार के कुछ भाजपा मंत्री आ प्रदेश अध्यक्ष अहमदाबाद जा के मोदी के समर्थन कइले.
  • नवादा जिले में 20 हजार रुपिया के नकली नोट का साथ तीन जने के गिरफ्तार कइल गइल बा.
  • बेगूसराय जिला के नीमाचंदपुरा थाना इलाका में एगो महिला से बलात्कार करे के आरोपी ले कुछ लोग छूड़ा घोंप के मार डालल.
  • छपरा के ब्रह्मपुर पुल का लगे गलत तरीका से लगावल बैरियर के चपेट में आके एगो टेम्पो पलट गइल जवना से आधा दर्जन सवारी घाहिल हो गइले.
  • सिवान जिला के भगवानपुर हाट में एगो मुखिया सोमार का दिने अपना समर्थकन का साथ जन वितरण प्रणाली के एगो डीलर आ ओकरा पूरा परिवार के पीट के घवाहिल कर दिहलसि. कहल जात बा कि डीलर रंगदारी ना दिहलसि त ओकर पिटाई कर दिहल गइल.
  • छपरा के नबीगंज मुहल्ले से अपहरण के मामिला में आरोपी संतोष कुमार आ ललन सिंह के गिरफ्तार कर लिहल गइल. एहग लोग पर 13 सितम्बर के हीरा लाल महतो के बेटा आदित्य कुमार के अपहरण के आरोप बा.
  • हफ्ता भर पहिले गोपालगंज के जैतपुरा गांव में अपना मामा के घरे आइल एगो लड़िकि का साथे दुष्कर्म करे के आरोपी परमात्मा यादव अदालत में समर्पण कर दिहले बा.
  • सोमार सबेरे मुगलसराय-गया रेल खंड पर भभुआ रोड रेलवे स्टेशन का लगे बरेज गांव का नियरा एगो 20 साल के लड़िका ट्रेन से कट के मर गइल. ऊ औरंगाबाद जिला के ओबरा थाना के नेवरास गांव के बतावल जात बा.
  • बेतिया के किसुनबाग चौक का लगे सोमार का दिने कालीबाग गड़वान टोला के मेराज के कुछ लोग गोली मार के जान ले लिहल. मेराज कुछ दिन पहिले जेल से छूट के आइल रहुवे. पुलिस मामिला के तहकीकात में लागल बिया.

Loading

0 Comments

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up