भाई जी भोजपुरिया के निधन से भोजपुरी जगत सदमा में

by | Nov 3, 2015 | 1 comment

बी एन तिवारी माने कि बैद्यनाथ तिवारी के लोग उनुका नाम से कम आ भाई जी भोजपुरिया के नाम से बेसी जानत रहुवे. ब्रह्यपुर के लगे गंगा नदी आ धर्मावती नदी के बीच में बसल गाँव नंदपुर में उनुकर जनम भइल रहुवे.
BhaiJiBhojpuria
पिछला चालीसो बरीस से अधिका से भोजपुरी आन्दोलन में लागल भोजपुरी ला समर्पित भाई जी भोजपुरिया के बिना शायदे कवनो सभा सम्मेलन होखत रहुवे भोजपुरी वालन के. चाहे कार्यक्रम देश में होखत होखो भा मारीशस वगैरह देशन में. भोजपुरी के लगभग हर बड़का कार्यक्रम में भाई जी मौजूद रहत रहीं आ हर आयोजन में उहाँ के सक्रिय भागीदारी रहत रहुवे.
करीब चौहत्तर बरीस के भाई जी भोजपुरिया काल्हु सोमार का दिने अपना राँची वाला घर में चिर निद्रा में चल गइनी. रात में ना कवनो हलचल ना कवनो दरद पीड़ा के शिकायत. आजु मंगल का भोर में लोग उहाँ के अपना बिस्तर पर चिर निद्रा में सूतल पावल आ सन्न रह गइल भोजपुरी समाज. भाई जी के अंतिम संस्कार बुध का दिने वाराणसी में कइल जाई.
एह खबर सबसे पहिले हमरा रामरक्षा मिश्र विमल जी के मैसेज से मिलल. उहाँ के आपन श्रद्धांजलि पोस्ट कइले रहीं. बाद में फेसबुक पर देखनी त सगरी भोजपुरिया समाज भाई जी के शोक में आकुल व्याकुल मिलल.
हमार दुर्भाग्य कि हमरा कबो भाई जी के लिखल कवनो लेेख पढ़े के ना मिलल, ना कबो उहाँ के कवनो संबोधन सुने के मौका. मिले के त बाते दूर बा काहे कि हम कवनो समारोह सम्मेलन में जात ना रहीं. एने एकाध गो में गइबो कइनी त ओह आयोजन में भाई जी के मौजूदगी ना मिलल. भाई जी के विचारो का बारे में जाने सुने के मौका ना मिलला के अफसोस रही बाकिर जवना तरह हर आयोजन मेंं आ हर भोजपुरी संस्था भाई जी के अपना माथ पर आदर का साथे राखत रहुवे एहसे अंदाजा लगा सकीलें कि भाई जी भोजपुरी खातिर पूरा सहजोग देत होखब. समय त देते रहीं.
जइसन अक्सर होखेला भोजपुरी के एकसेएक मूर्धन्य लिखनिहारन का बारे में नेट पर खोजलो ना खोजा पावे, आ इहे आजु भाई जी काबारे में जानकारी बटोरत देखनी. ना त परिवार का बारे में कवनो जानकारी पा सकनी ना उहाँ के बाकी जिनिगी का बारे में.
भोजपुरिका आ अंजोरिया परिवार का तरफ से भाई जी भोजपुरिया के शत शत नमन का साथे भाव भरल श्रद्धांजलि देत रउरा सभे से निहोरा बा कि जतना कुछ जानकारी दे सकीं एह पोस्ट का नीचे कमेंट में देत जाई.
संपादक, भोजपुरिका


भोजपुरी के भीष्म भाईजी भोजपुरिया के मुम्बई में “अभियान” के श्रद्धांजलि

Abhiyan-Bhaiji
पुलिस विभाग के महत्वपूर्ण पद पर काम कर चुकल, सामाजिक मनई आ कला प्रेमी, अउर विश्व भोजपुरी समाज मंच के अंतर्राष्ट्रीय अध्यक्ष बी.एन.तिवारी के निधन मंगल का भोर में हो गइल.

भाईजी के निधन पर मुम्बई के सामाजिक सांस्कृतिक संस्था “अभियान” विलेपार्ले में बइठक क के श्रद्धांजलि दिहलसि. अभियान के अध्यक्ष अमरजीत मिश्र भाईजी के व्यक्तित्व आ भोजपुरी खाति उनुका लगन आ जुड़ाव का बारे में बतवलन. पत्रिका ‘भोजपुरी पंचायत’, दिल्ली के सम्पादक कुलदीप श्रीवास्तव भाईजी के भोजपुरी भाषा ला निष्ठा के सराहत आपन श्रद्धांजलि दिहलन. अउरीो वक्ता लोग भाई जी के निधन के भोजपुरी भाषा आ एकरा आंदोलन पर आघात बतवलन.

फ़िल्म अभिनेता रवि किशन भाईजी भोजपुरिया के भोजपुरी के भीष्म बतवलन. फ़िल्म निर्माता अभय सिन्हा कहलन कि उनका निधन से भोजपुरी समाज को गहीर आघात लागल बा आ उनकर कमी हमेशा खली. योगेश राय आ आर एस दुबे वगैरह अउरीओ लोग भाईजी के विनम्र श्रद्धांजलि दीहल.

Loading

1 Comment

  1. omamritanshu

    हमरा तरफ से शत – शत नमन ….

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up