भोजपुरी फिल्मन के सबले बड़हन सर्वे में रवि किशन के सर्वश्रेष्ठ अभिनेता मानल गइल

by | Nov 12, 2010 | 0 comments

भोजपुरी सिनेमा के सदाबहार सुपर स्टार रवि किशन एक बार फेर साबित कर दिहले कि लोकप्रियता आ अभिनय का मामिला में उनकर केहू सानी नइखे. देश के एगो बड़हन मीडिया समूह दि संडे इन्डियन आ रिसर्च कंपनी आई.सी.एम.आर. दू महीना ले चलल एगो सर्वे का बाद रवि किशन के समीक्षकन आ बुद्धिजीवियन का नज़र में अव्वल नंबर पर रखले बा.

बियफे का दिने इंडिया न्यूज़ टीवी चैनल एह पूरा सर्वे पर रवि किशन का साथ दू घंटा के लाइव टेलेकास्ट कइलस जवना में भोजपुरी फिल्मन के वर्तमान, भविष्य का साथे साथ अश्लीलते पर चरचा कइल गइल. रवि किशन साफ कहलन कि उनका फिल्मन में अश्लीलता दोसरा लोगन का मुकाबिले हमेशा से कम रहत आइल बा. आ जब कबो रहबो करेला त ऊ कहानी का मांग आ दर्शकन के नज़रिया के ध्यान में राखत राखल जाले.

एही सर्वे का आधार पर रिंकू घोष के सर्वश्रेष्ठ अभिनेत्री के खिताब दिहल गइल. रवि किशन अभिनीत आ हैरी फ़र्नान्डिस निर्देशित फिल्म “भूमिपुत्र” के साल २००९ के सर्वश्रेष्ठ फिल्म आँकल गइल. उल्लेखनीय बा कि देश का कोना कोना से हजारन भोजपुरिया दर्शकन का राय का आधार पर एह सर्वे के पूरा कइल गइल. भोजपुरी फिल्म अवार्ड में लगातार पांच बार बेस्ट अभिनेता का पुरस्कार पा चुकल रवि किशन के अबले एकसौ से बेसी सम्मान आ पुरस्कार मिल चुकल बा.

लाइव टेलीकास्ट का दौरान रवि किशन वादा कइलन कि ऊ अपना प्रोडक्शन हॉउस से “पा” आ “ब्लेक” जइसन फिल्मन के निर्माण का बारे में सोचत बाड़े. इहो उम्मीद जतवलन कि महानायक अमिताभ बच्चन के ऊ एक बेर फेर से भोजपुरी फिल्म में ले अइहें. दि संडे इन्डियन के सम्पादक ओंकारेश्वर पाण्डेय एह सर्वे के सफल बनावे खातिर भोजपुरिया दर्शकन के आ अपना टीम के बधाई दिहलन आ कहलन कि सर्वे के विस्तृत रूप उनका पत्रिका के अगिला अंक में प्रकाशित कइल जाई.

दू घंटा के मेगा लाइव शो में रवि किशन एहू बात से इनकार कइलन कि ऊ भोजपुरी का तुलना में हिंदी फिल्मन का ओरि बेसी धेयान दे रहल बाड़न. रविकिशन कहलन कि दस साल में सौ से अधिका भोजपुरी फिल्मन में अभिनय खुदे देखावत बा कि ऊ भोजपुरी सिनेमा खातिर कतना समर्पित बाड़न. कहलन कि भोजपुरी से ऊ कबहियो गद्दारी ना करीहन काहे कि भोजपुरी उनका माँ बाबूजी के भाषा हऽ.


(स्रोत – उदय भगत)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up