मनोज तिवारी के स्वर लहरी में डूबत उतरात रहले दर्शक

by | Apr 5, 2012 | 0 comments

ऐतिहासिक थावे दुर्गा मंदिर के नियरा होमगार्ड मैदान में आयोजित थावे महोत्सव के दुसरका दिने सुर आ ताल के अनोखा संगम देखे के मिलल. साढ़े तीन घंटा चलल कार्यक्रम में दर्शकन के भीड़ भोजपुरी के गायक अभिनेता मनोज तिवारी के गीतन के भरपूर आनंद उठवले. भीड़ अतना रहल कि सम्हारे में ढेरे मशक्कत करे पड़ल.

कार्यक्रम के दौरान मनोज तिवारी ‘बाड़ी शेर पर सवार, रूपवा मनवा मोहत बा’ देवीगीत के अनोखा अंदाज में पेश क के सभे के झूमे पर मजबूर कर दिहले. एही क्रम में ‘इंटरनेशनल लिट्टी-चोखा..’ के रोचक अंदाज में पेश कइलन. गीतन के दौर जब आगे बढ़ल त मनोज तिवारी के बहुते चर्चित गीत ‘चट देनी मार देहली खींच के तमाचा, ही-ही-ही-ही हंस देहले रिंकिया के पापा..’ पर ते दर्शक हंसत-हंसत लोट-पोट हो गइले. कार्यक्रम का बीच में मनोज तिवारी भरत शर्मा के मशहूर गीत ‘जेकर पियवा बसे परदेश सखी, ओकर ससुरा से नीक नइहरवे बा’ गा के सुनवले. कारगिल लड़ाई घरी मनोज तिवारी आपन रचल गीत ‘बच्चा-बच्चा पूरा हिन्दुस्तान चाहता, देशवा के हिन्दू मुसलमान चाहता, खाली कारगिल नाहीं पूरा पाकिस्तान चाहता’ जब गावल शुरू कइलन त पूरा भीड़ उनुका साथही गावे लागल. ‘निमिया के डाढ़ मइया, डालेली झुलुअवा कि झूली-झूली ना’ पर महिला श्रोता स्वर मिलावल सुनइली. पूरा कार्यक्रम में मनोज तिवारी अपना पुरनका अंदाज में रहलन आ आपन पुरनका गीत सुना के ओह यादा के ताजा करा दिहलन. बसंती चमन में चहक जाला केहू.., हट-हट हट रह बचके.., बहियां पकड़ के धरे.., गोरिया चांद के अजोरिया नियर .., ए चम्पा चमेली, कली अलबेली.., वगैरह गीतो सुना के सुनेवालन के ताली बटोरन मनोज तिवारी.

एह कार्यक्रम में सुरभि आ अलका पहाड़िया जइसन कुछ कलाकारो आपन देवीगीत पेश कइलन. समापन ‘फिर से आईब ए मईया हो’ गीत से भइल.

जिलाधिकारी पंकज कुमार एह भव्य आयोजन ला सभके धन्यवाद दिहलन. कार्यक्रम में जिलाधिकारी के अलावा जिला आ सत्र न्यायाधीश डीके शर्मा, एसपी केएस अनुपम आ डीडीसी मोहम्मद सल्लाहुद्दीन खां के अलावे तमाम न्यायायिक पदाधिकारी, पुलिस पदाधिकारी, प्रशासनिक पदाधिकारी, स्थानीय जनप्रतिनिधि आ विधायक के साथे अनेके गणमान्य लोग मौजूद रहे.


(शशिकांत सिंह रंजन सिन्हा के रपट)

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up