ममता आ रघुवीर का टक्कर में राउर राय सबले कीमती बा

by | Dec 10, 2010 | 2 comments

महुआ टीवी पर देखावल जा रहल भोजपुरी गायकी के रियलिटी शो “सुर संग्राम-२” के फाइनल मुकाबिला राँची के ममता राउत आ बनारस के रघुवीर शरण श्रीवास्तव का बीचे होखे जा रहल बा. एह लोग के फाइनल मुकाबिला के जीवन्त प्रसारण पटना का गाँधी मैदान से १९ दिसम्बर के कइल जाई. ममता राउत बिहार के प्रतिनिधित्व करीहें आ रघुवीर शरण श्रीवास्तव यूपी के.

अपना गायन शैली से ई दुनु प्रतिभागी जज लोग के दिल जीतत एहिजा ले चहुँपल बा. बाकिर आखिरी फैसला जज लोग का हाथ में ना हो के रउरा सभ का हाथ में बा. पहिला बेर कवनो लड़की एह मुकाबिला के आखिरी दौर में चहुँपल बिया त एगो नेत्रहीनो गायक फाइनल में आ गइल बा. अब ई रउरा सभे पर बा कि केकरा के सुरसंग्राम के ताज पहिरावत बानी आ केकरा के दुसरा जगहा पर राखत बानी. जहाँ तक संकेत मिल रहल बा अबकी पिछला मुकाबिला के हाल नइखे दोहरावल जाये वाला जब आखिरी मुकाबिला में दुनु प्रतिभागियन के पहिलका इनाम दे दिहल गइल रहे आ केहू के विजेता होखे के आनन्द ना मिल पावल रहे. अबकी रउरा सभे अपना पसन्दीदा गायक भा गायिका खातिर आपन राय जरुर दीं. अगर रघुबीर के जितावे के बा त अपना मोबाइल पर UP लिख के 54242 पर भेज दीं. अगर ममता के जितावल चाहत बानी त अपना मोबाइल पर BIHAR लिख के 54242 पर भेज दीं.

वोटिंग लाइन १९ दिसम्बर के साँझ ५ बजे ले खुलल रही. जेकरा सबले बेसी वोट मिली ओकरा के दिहल जाई २५ लाख रुपिया आ एगो बजाज डिस्कवर मोटरसाइकिल. उपविजेता के ११ लाख से संतोष करे के पड़ी. अब ई रउरा उपर बा कि कवना आधार पर वोट देत बानी बाकिर बढ़िया रही कि जेकर गायकी रउरा निमन लागल ओकरे के वोट दीं.

स्रोत प्रशान्त निशान्त

Loading

2 Comments

  1. Santosh Kumar

    nishantji
    namskar
    takkar na ta bihar se ba na up se ba.
    takkar sahi mayane me jharkhand se ba auri madhya pradesh se ba.
    bihar aa up ke mansik bha aarthik shoshank mat kari.
    rahal baat bhojpuri ke, u shan se apna disha aa dasha tay kar rahal biya.
    bazar ke drama se bhojpuri ke jod ke bhojpuri ke mahima mandan kare ke abhiyan band hokhe ke chahi.
    santosh patel
    editor: bhojpuri zindgi.

  2. omprakash amritanshu

    बिहार जीतो चाहे उत्तर प्रदेश . जीत त आहिर भोजपुरी के हिं होई .वैसे हम आपन वोट दे चुकल बानी .
    धन्यवाद
    ओ.पी .अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up