राउर अँजोरिया अब आउर अँजोर हो गइल

by | Jan 3, 2011 | 1 comment

नया साल के छुट्टी के हम कुछ बढ़िया इस्तेमाल कर लिहनी आ अँजोरिया के बिखरल परिवार के एक जुट कर दिहनी. गाँव समाज में संयुक्त परिवार के हमेशा से बढ़िया मानल गइल बा. एकल परिवार आजादी जरुर देला बाकिर सुरक्षा देबे में कमजोर पड़ जाले.संयु्क्त परिवार में कमजोरो सँवाग के गुजर बसर बढ़िया से हो जाले. परम्परा से चलत आ रहल एह प्रबन्ध के तुलना कवनो सामाजिक सुरक्षा योजना ना दे सके. अँजोरिया परिवार के सवाँग अलग बिलग डेरा जमवले रहलें हँ आ एकरा खातिर परिवार के मुखिया के कमजोरी एगो बड़हन कारण रहल ह. अब ओह कमजोरी के दूर कर के सभके एके छत के नीचे ले आइल बानी. बाकिर जवन बेटा पतोहू अतना दिन से आजादी के आनन्द लिहलें उनका के अचके में कवनो सीमा में बान्हलो ना जा सके. एह सच्चाई के सकारत हर सवाँग अपना में आजाद बा, बाकिर परिवार का सीमारेखा का भीतर.

हमार एगो मित्र कुछ साल पहिले अइसने करे के सुझाव दिहले रहलें. तब हमरा लगे अतना योग्यता ना रहुवे कि एकरा के फलीभूत कर सकतीं. बाकिर सलाह दिमाग में नाचत रहुवे. अब जा के ओकरा के हकीकत में बदल सकल बानी. ओह मित्र के लाख लाख धन्यवाद !

अब अँजोरिया का सबडोमेन का रुप में टटका खबर, भोजपुरी डिक्शनरी, आ सिने भोजपुरी के ले आइल बानी. अँजोरिया के मूल रुप से साहित्यिक आ सामाजिक सरोकार वाली साइट बना के रखल जाई. आशा बा कि ई परिवर्तन अँजोरिया के महत्व बनावे बढ़ावे में सफल रही काहे कि इन्टरनेट पर कवनो साइट के महत्व ओकर पाठक आ पढ़ल पन्ना के गुणनफल पर निर्भर करेला.

नया साल के इहो एगो योजना रहल ह जवन आजु पूरा हो गइल.

रउरा सभे के धन्यवाद देत,
राउर,
संपादक, अँजोरिया

Loading

1 Comment

  1. amritanshuom

    संपादक जी प्रणाम !
    अँजोरिया परिवार में हम जइसन दुबर-पातर सवाँग के सुरक्षा देबे वाला बरियार मुखिया मिल गइल आउर का चाहीं .निक लागल राउर
    साहित्यिक विचार . बहुत -बहुत धन्यवाद !
    राउर
    ओ.पी .अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up