लोकसभा चुनाव के चउथको डेग सकुशल हो गइल

by | May 13, 2024 | 0 comments

आजु लोक सभा चुनाव 2024 के चउथका डेग में दस गो राज्य आ केन्द्र शासित प्रदेशन में छितराइल 96 सीटन ले मतदान के काम सकुशल पूरा हो गइल. एकरा साथही आंध्र प्रदेश विधानसभा के सगरी 175 सीटन के आ ओडिशा विधानसभा चुनाव के पहिला डेग में 28 गो सीटनो के चुनाव करा लीहल गइल.

एह बीच दिल्ली के मुख्यमंत्री अरविन्द केजरीवाल सपना देखत बाड़न कि 4 जून के होखेवाला मतगणना में इंडी गठजोड़ के बहुमत मिल जाई आ उनुका 5 जून के जेल से रिहाई मिल जाई. पता ना कवना कानून का हिसाब से ऊ ई सपना देखत बाड़न. हो सकेला कि उनुका अपना जजन पर पूरा भरोसा बा कि जइसे उनुका के बिना मंगले जमानत दे दीहल गइल ओही तरह बिना कवनो बहस, कवनो सुनवाई कइले देश के महान न्यायाधीश उनुका के जेल से रिहा कर दीहें. ओने कांग्रेस अध्यक्ष मलिकार्जुन खरगे कह दिहले बाड़न कि इंडी गठबन्धन के सरकार बनते सगरी चोरन के रिहा कर दीहल जाई. हालांकि ऊ चोरन के नाम ना लेके भठियरपन करे वाला नेतवने के रिहाई के बात कहले बाड़न बाकिर बाकियो चोरन के उमेद जाग गइल बा.

आजु केजरी इहो साबित करा दिहलन कि कुकूरन के रोटी खियावल कतना फायदेमन्द होला. वइसे ई बात त ऊ बरिसन से साबित करवले आवत बाड़न.आजु पता ना कवना बात पर केजरिवाल का आवास पर चहुँपल आ आ पा के राज्सभा सांसद स्वाति मालीवाल के पिटाई हो गइल. खबर चारो ओर पसर गइल कि स्वाति मालीवाल पुलिस के फोन क के बतवली कि उनुकर पिटाई भइल बा मुक्यमंत्री आवास में. फोन मिलला का कुछ देर बाद दिल्ली पुलिस ओहिजा चुँपल त बाकिर शीश महल में घुसे के अधिकार ओकरा लगे ना रहला का चलते बाहरे रहे के पड़ गइल. दिल्ली महिला आयोग के अध्यक्ष रह चुकल स्वाति मालीवाल बाद में थानो चहुँपली बाकिर कवनो लिखित शिकायत दर्ज ना करवली. कहली कि बाद में आ के शिकायत लिखवइहें. बाकिर अबहीं ले उनुका ओर से लिखित शिकायत मिले के खबर नइखे लउकत कतहीं.

एह बारे में तरह तरह के बात सोशल मीडिया पर चल रहल बा जवना में रहस्य रोमांच सेक्स मारधाड़ हर रस मिल जात बा. बाकिर एह बारे में कुछ खास हो पाई एकर उमेद हमरा त इचिको नइखे. हो सकेला कि स्वाति शिकायते ना लिखवावसु. मगर सबले रेघरियावे जोग खबर ई बा कि बात-बेबात प्रेस कांफ्रेस करे वाला आ आ पा का तरफ से एह बारे में कवनो बयान नइखे आइल आ रोटी खाएवाला कुकुरन से उमेद नइखे कि एह बारे में भूकबो करिहें सँ. कबो देखले बानि कवनो पत्रकार के केजरी से सवाल करत ? जे सवाल कर सकी ओकरा के केजरी का लगे चहुँपहीं ना दीहल जाला आ जेकर चहुँप केजरी का लगे ले बा ओहमें से कवनो नमकहराम खोजलो पर ना भेंटाई.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up