लोक बनाम तंत्र का जगहा लोकतंत्र बहाल करे के जरूरत

by | Dec 22, 2012 | 0 comments

कहे ला त देश में लोकतंत्र बा माने कि अइसन तंत्र जवन लोक के बनावल, लोग के चुनल, सरकार चलावेले बाकि हकीकत में देखी त आए दिन लोक बनाम तंत्र के कहानी दोहरावत जात रहेला. लोकतंत्र में जनता के आपन विरोध जतावे के पूरा आजादी होखे के चाहीं बाकि तंत्र, माने कि सरकार आ प्रशासन, के ई बरदाश्त ना होले. कवनो ना कवनो बहाने हर ओह विरोध के दबावे कचारे के काम कइल जाला जवन तंत्र पर सवाल उठावत होखे. हालांकि एह मामिला में हर विरोध का साथे एके तरीका से ना निपटल जाव. कुछ दुलरुआ वर्ग होलें, जवना के बोट सरकार अपना झोरी में बिटोरे का फेर में रहेले, आ एह दुलरुआ वर्ग के हर अतहत सरकार आ तंत्र हँस के झेल जाले.

दू तरह के एह बेवहार से जनता में एगो ना एगो गलत सनेसा जात रहेला जवन गँवे गँवे प्रेशर कूकर क तरह भितरे भितरे उसीनात रहेला आ एक दिन जब फफक के बाहर निकलेला त ओकरा सोझा हर तंत्र नाकाफी साबित हो जाला. अपनो देश के लोग में एह तरह के असंतोष बढ़ल जात बा आ सरकार आ तंत्र एह असंतोष से आँख मूदले अपना रफ्तार में बढ़ल जात बिया. देश में एकाध गो जवन बड़का दंगा फसाद भइल बा ओकरा पाछा अइसनके असंतोष रहल जवन कवनो खास मौका पर आखिरी तिनका जस डाँड़ तूड़ दिहलसि.

अगर एह तंत्र के लोक के परवाह रहल रहीत त आजु दिल्ली में नवहियन के विरोध प्रदर्शन पर कई दफा लाठी भाँजे के जरुरत ना पड़ल रहीत. सरकार के कवनो असरदार आदमी भा औरत एह असंतोष के आवाज सुन लिहले रहीत, कवनो ढंग के प्रतिनिधि मौका पर जा के नवहियन से बतिया लिहले रहितन त शायद लोकतंत्र के एगो स्वस्थ रूप नजर आइल रहीत. अगर वइसनका भइल रहीत त प्रदर्शकारियन के नारा गढ़े के मौका ना मिलित कि “हू हा हू हा, फलाना नेता चूहा”. जवना आदमी के एह देश के भावी प्रधानमंत्री बनावल बतावत जात बा पता ना काहे ऊ हर मौका पर गायब मिलेला. शायदे केहू के पता रहेला कि ऊ कहाँ बाड़े, का करत बाड़े, एह मसला पर उनकर राय का बा वगैरह वगैरह. गुजरात में नरेन्द्र मोदी के उदाहरण सभका सोझा बा. जे जनता के नब्ज पर हाथ रखले रहेला. जेकरा मालूम बा कि कब कहाँ का कहे के का करे के बा. अपना “गलती” ला माफी माँग लेबे के विनम्रता बा उनुका में आ एही चलते आजु देश के कोना कोना से नरेन्द्र मोदी के अगिला प्रधानमंत्री का रूप में देखे के भावना सुने के मिलत बा. राहुलो के चाहीं कि देश के लोक से एकरस होखे के कोशिश करसु, जनता के मानस समुझे के कोशिश करसु आ जनतो के लागो कि ई आदमी अनुभवहीन होखला का बावजूद कुछ सोच राखे वाला ह आ एह आदमी पर भरोसा कइल जा सकेला. तिकड़म से चुनाव ना जीतल जाव, तिकड़म से जनता के ना जीतल जा सके. तिकड़म से सरकार बनावल चलावल जा सकेला आ शायद राहुल एही गफलत में बाड़े कि अगिला चुनाव का बाद बाकी दल के नरेन्द्र मोदी के डर देखा के अपना साथे मिलावल जा सकेला.

नेहरू परिवार के चउथा पीढ़ी के राहुल से उनुका समर्थकन के बहुत उमेद बा. ओह लोगन के ना उमेद मत करसु राहुल. आ लोक बनाम तंत्र का जगहा अपना सरकार से कहसु कि सही मायने में लोकतंत्र जइसन हालात बनावल जाव.

– ओमप्रकाश सिंह

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up