संसद में काम ना होखे देबे के विपक्षी जिद

by | Jul 21, 2021 | 0 comments

(टटका खबर, बुध, आषाढ़ अँजोरिया द्वादशी, 2078 विक्रमी)

संसद में काम ना होखे देबे वाला विपक्षी जिद का दौरान प्रधानमंत्री नरेंद्र मोदी काल्हु मंगल का दिने कोविड-19 के मौजूदा हालात पर एगो सर्वदलीय बइठक कइलन जवना में कांग्रेस, माकपा, राजद, शिअद, आआपा वगैरह कुछ गोल शामिल ना भइलें. हालांकि बइठक में राकांपा, द्रमुक, बीजू जनता दल, शिव सेना, वाईएसआर कांग्रेस, लोजपा, जदयू, जद(से), तेलंगाना राष्ट्र समिति, तमकल मनीला कांग्रेस, बसपा वगैरह अधिकतर गोल शामिल भइलें. राज्यसभा में सदन के नेता पीयूष गोयल, केंद्रीय स्वास्थ्य आ परिवार कल्याण मंत्री मनसुख मंडाविया एह बइठक में उपस्थित रहलें.

कांग्रेस के बुझात नइखे कि पंजाब कांग्रेस के विवाद कइसे हलभल होखे. कैप्टेन सिद्धू से आ सिद्धू कैप्टेन से भेंट-बात करे ला तइयार नइखन त गोल चली कइसे. दुनु ओर से कहल जात बा कि सामने वाला पहिले माफी माँगो तब ओकरा से बतिआएब.

बीसीसीआई क्रिकेट टीम काल्हु श्रीलंका से खेलल आपन दुसरको एकदिना मैच शानदार तरीका से जीत लिहलसि. पचास ओवर में श्रीलंका टीम के नौ विकेट का नुकसान पर बनावल 275 रन का जबाब में बीसीसीआई टीम पाँच गेंद बाकी रहते 49.1 ओवर का खेल में सात विकेट का नुकसान पर 277 रन बनाके मैच तीन विकेट से जीत लिहलसि. एकरा साथही बीसीसीआई टीम सीरिजो जीत लिहलसि. बीसीसीआई टीम 93 बेर श्रीलंका टीम के हरावे के रिकार्डो बना लिहलसि एह जीत का साथे. दुनिया के कवनो टीम दोसरा कवनो टीम के अतना बेर नइखे हरवले.

शेयर बाजार में आइल गिरावट के दौर काल्हुओ जारी रहल. दुनिया के शेयर बाजारन में आइल गिरावट काल्हु उपर चढ़ल बाकिर बकरीद का चलते बंद देश के बाजार एकर कवनो फायदा ना उढआ पइहें. काल्हु वायदा बाजार के साप्ताहिक निपटानो के दिन रही.

सारण जिला के सहाजितपुर इलाका के रामनगर में गाँव में सोमार का राति एगो औरत अपना मरद के कुदारी से काट के मुआ दिहलसि. बाद में गाँव वाले ओकरा के पकड़ि के पुलिस के हवाले कर दिहलें. कोलकाता में चाय बेचे वाला ओकर मरद ओहि दिने आइल रहुवे.

सारणे जिला के एकमा इलाका के तिलकार गांव में मंगल का दिने जमीन का झगड़ा में पंचायत का दौराने गोली चला के सेना के एगो जवान के खून क दीहल गइल, दू जने घवाहिलो हो गइलें एह फायरिंग में.

मोतिहारी जिला के हरसिद्धि इलाका के चड़रहिया के तीन गो चचेरा भाई बाढ़ में डूबल चँवर में डूबला से मर गइलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up