सहर भइल सुरसा

by | Jan 18, 2011 | 1 comment

– डॉ. गोरख मस्ताना

सहर भइल सुरसा निगल रहल गाँव के
चिमनी चबाये लागल निमिया के छाँव के

नगर नगर नेहिया के दियरी टेमाइल
नफ़रत के रोग गाँव गाँव में समाइल
गाँवो में भईयारी बाँच गइल नाँव के
सहर भइल सुरसा निगल रहल गाँव के.

गँऊआ के लोग रहे गंगा के धोअल
ना जानी विख उनका मनवा के बोअल
हिया- हिया मारत बा ताना तनाव के
सहर भइल सुरसा निगल रहल गाँव के.

सतुये पर दम, संतोस जहवा भारी
उहवाँ सहरिया चलावेला आरी
रंग- ढंग बदलल बा गवई पेन्हाव के
सहर भइल सुरसा निगल रहल गाँव के.

दउरी देहातो के मुहवा झुराइल
हरिहर धरतिया के लाली हेराइल
लोग बाग काट रहल अपना ही पांव के
सहर भइल सुरसा निगल रहल गाँव के.


(साभार : डॉ.गोरख प्रसाद मस्तान के काव्य संग्रह ” जिनिगी पहाड़ हो गइल” से)

Loading

1 Comment

  1. amritanshuom

    हरिहर धरतिया के लाली हेराइल
    सरसों के फुलवा के रंगवा फिकाइल
    थथम गइल धारा, गंगा बहाव के
    सहर भइल सुरसा निगल रहल गाँव के.
    गोरख मस्ताना राउर रचना पढीला बड़ी चाव से .

    ओ.पी . अमृतांशु
    09013660995

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up