स से हुंसियार रहे नारी जाति

by | Apr 22, 2012 | 0 comments

– जयंती पांडेय

अपना देश में मेहरारू जात हमेशा खतरा में रहेले. पहिले बंगाल में कवनो खतरा ना रहे पर अब त इहों खतरा बढ़ि गइल बा. अपना देस के मेहररूअन के समय-समय पर अनेकानेक दुश्मन से सामना होत रहेला आउर ओहमें सबसे पहिला नाम ओकनी के ‘सास’ के होला, जे बहू लोगन के मोताबिक सांस ले ना लेवे देली सन. ‘शुगर’ के बीमारीओ मेहरारुन के खतरनाक साथी ह आ जब बेमारी न हो त इहो जान लीं कि सिरदर्द मने कपरबथ्थी ऊ लोग के सबसे प्रिय बहाना ह. इहे ना सड़ल सब्जी आ सखियन से कम खतरा नइखे. शादी के पहले उनकर ‘सनम जी’ उनकी सहेलियन का ओर ना सरक जास इहो डर रहेला. जब सनम जी के कवनो सहेली सौगात देली सन त बूझि जाईं कि शक से सका जाली सन. एह बीच ‘सगाई’ नाम के एगो अउरि शत्रु से सामना हो जाला. ई ‘संक्रमण’ से बेचारी उबरबे ना करे कि ‘सुहागरात’ के डर सतावे लागेला. ई डर से ऊ सुस्त हो जाली सन.

ऊ खतरा से उबरके जब सामान्य होखे ली तबे रोज-रोज के साथी शत्रु के रुप ‘साजन’ सामने आ जाले. ई डर के भगावे के खातिर ऊ लोग हमेशा सजत संवरत रहेला. हालांकि ई ‘सजलो-संवरल’ एगो खतरा बन के आस पास के लईकन के जरिये ‘संदेह’ रुपी एगो खतरनाक बेमारी उनका पतिदेव में पैदा क देला आ बेमारी के सबसे खराब नतीजा सौत के रूप में सामने आवेला. अब मेहरारुन के सबसे खतरनाक शत्रु ‘सौत’ हो जाली सन. सौत के नांव से त सपनो में भी डेराली सन. अगर एतना सबकुछ हो जाए तो एतना ‘सदमा’ ऊ लोग के लागे ला कि जिनगी जहर हो जाला. ‘समाजो’ मेहरारुन खातिर बड़ा खतरा बा. समाज के देखावे ऊ का ना करे ली सन. ‘संत’ रुपी खतरा भी समाज क दिहल एगो शत्रु ह जे ‘संतान’ के नाम पर मेहरारून के डेरावत रहेला. एह ‘संत रुपी’ डर से ऊ अतना डेराइल रहेली कि ओह खातिर कुछुवो करे के तइयार हो जाली.

आधुनिक महिला लोग खातिर ‘सिनेमा’ एगो आर्थिक खतरा ह. एहमें जवन कपड़ा देखावे ला ओकरा चक्कर में ऊ जरूरी समान किने के भुला जाली सन.

मेहरारू मरदन क तुलना में अधिका भावुक होली सन. एही से संकट में फंसल लोग के समझावे लागे ली सन आ ई समझावल एगो नया शत्रु पैदा क देला आ घर में सास से, साजन से, सफाई देवे के परेला. एह से मेहरारू लोग ई बात के गांठ बांध लेउ कि ‘स’ से सारा उमर बांच के रहीं आ शान से बिना शक – शर्मिदगी के जिनगी गुजारीं.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up