हजार का नोट पर छाप दिहल गाँधी

by | Sep 24, 2011 | 1 comment

– शैलेश मिश्र


हम अन्ना ना
भारत सरकार के समर्थक हईं
करोड़ो का आबादी में
बेबस बेकार हईं
जनम से आजुले
भठियरपन के संरक्षक हईं.

जनम लिहनी त
नर्स मँगलसि चार आना
डाक्टर बर्थ सर्टिफिकेट ला
लिहले फेर चार आना.
स्कूल में नाम लिखाई में
लाग गइल चार आना.
राशन आ मतदाता सूची में
लागत गइल चार आना.

कॉलेज का एडमिशन आ
डिग्री में चार आना
सरकारी नौकरी का
सिफारिश में चार आना
जमीन जायदाद का
कागज पर चार आना
प्रोमोशन आ वेतन
बढ़वला में चार आना.

बैंक के लोन खातिर
दे दिहली चार आना.
ड्राइविंग लाइसेंसो ला
देबे पड़ल चार आना.
बिजली भा फोन खातिर
लागत रहल चार आना
खून क के बरी
होखलो खातिर चार आना.

चुनाव में जीते खातिर
बाँटत रहनी चार आना
लोकसभा सीटो खातिर
देहत गइनी चार आना
जाति बदलावे में लागल
कबो चार आना
निवास सर्टिफिकेटो मिलल
दिहली जब चार आना.
बदल देबेला लोग आपन
धरम लेके चार आना.

लोकपाल बिल पर सरकार
चहलसि चार आना
गड़बड़ घोटाला में
हिसाबो ना मिलल चार आना
मुअलो का बाद लागेला
आफिस में चार आना
सरहद के शहीदन का
कफनो में चार आना.

बत्तीस गो रुपिया से
कमइलऽ जे बेसी
रहबऽ गरीब ना
सरकार कहलसि देसी

एही सब कारण से हम
सरकारे से सटल बानी
अन्ना का टोली से
फरदवला हटल बानी
सरकार से सटल रहब त
मिलत रही चार आना
पाकिट में धेला ना त
का करीहे हजार अन्ना.

ना त हईं चार आना
ना हम अन्ना हईं
हम त लाचार हईं
बेबस बेकार हईं
हजार का नोट पर
छाप दिहल गाँधी हईं.


डैलस, टेक्सास (अमेरिका)
२२ सितम्बर २०११

Loading

1 Comment

  1. amritanshuom

    राउर रचना बड़ी, सुनर- सुकवार बा ,
    भ्रष्टाचार पे करत ई वार बा !
    जुड़ल हर आदमी के एह में सवाल ,
    गरीबी रेखा से सब केहू हो गइल उद्धार !!

    मिसिर जी बहुत बढ़िया रचना बा . पढ़ के मजा आ गइल .

    ओ.पी .अमृतांशु

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up