हमरा खातिर ले ले अइहऽ चटनी समोसा

by | May 22, 2024 | 0 comments


दुनिया में भोजपुरी में पहिलका वेबसाइट होखला का नाते अंजोरिया डॉटकॉम के हमेशा कोशिस रहेला कि रउरा सभे ला कुछ ना कुछ नया ले आवत रहीं, जवन राउर मनरंजन त करबे करे, आ साथही साथे कुछ नया जानकारिओ दे जाव.

भोजपुरी गायकी में अनेके विधा शामिल बाड़ी सँ आ सगरी के चरचा एक जगहा कइले ना जा सके काहें कि तब ऊ विश्वकोष जइसन वृहदाकार हो जाई. फगुआ, चइता, चइती, कजरी, धोबी गीत, बिआह गीत, सोहर गीत, डोमकच गीत वगैरहे जइसन एगो विधा होले झूमर.

झूमर झूम से बनल बा. आ झूम एक तरह के खेती होला जवना के रोपनी से समुझल जा सकेला. रोपनी-बोआनी का बेरा खेत में काम करत महिला आपन थकान मेटावे, काम में आनन्द ले आवे खातिर गीत गबनई करे लागेलीं. आ एकरे के झूमर कहल जाला.

आजु यूट्यूब पर घूमत चहुँप गइनी एगो नया गायिका, कम से कम हमरा खातिर काहे कि आजु ले इनकर गवनई सुनले ना रहीं., के चैनल पर. गीत अइसन पसन्द आ गइल कि सोचनी कि केजरीकथा से राहत का तरह होखी एकरा के सुनल.

त माधुरी राय के गावल ई चटनी समोसा गीत के लिखनिहार हउवन जेपी राहुल. संगीत से सजवले बाड़न सोनू बाबू. माधुरी राय के गवनई सुने के मन होखे त यू ट्यूब पर उनुका चैनल Madhuri Ray Official पर सुन सकिलें.

आजु एहिजा इहो बता दीहल जरुरी लागत बा कि कवना आधार पर हम अंजोरिया पर अंजोर करे जोग गवनई के चुनाव करिलें. गाना सुने में बढ़िया होखे, उच्चारण शुद्ध होखे, संगीत गायक गायिका के उभारे ना कि अपना शोर में उनुका केेेेेेे सुनल मुश्किल कर देव, आ सबले बढ़ के होला कि गीत अइसन होखे जवना के हम अपना परिवार का साथे देख-सुन सकीं.

सासु जी खातिर छोला लीहऽ
ननदो खातिर ढोसा.
ए पिया हमरा खातिर ले ले अइहऽ चटनी समोसा.

ओहिजे पहिले चीख लीहऽ
तीत होखे चोखा.
ए पिया हमरा खातिर ले ले अइहऽ चटनी समोसा.

गोतनी के लवंगलता लीहऽ
भसुर जी के ना पाता दीहऽ.
कैश ले के जइहऽ
ना त दे दी फोनपे धोखा.
ए पिया हमरा खातिर ले ले अइहऽ चटनी समोसा

मन फीका भइल बा सजनवा हो
पत रखीहऽ तुहीं धेयनवा हो.
जइहऽ ना भूल ‘जेपी राहुल’
रहब तोहरे भरोसा.
ए पिया हमरा खातिर ले ले अइहऽ चटनी समोसा.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up