हिन्दूवन का खिलाफ खड़ा हिन्दूस्तान के सरकार

by | Jun 8, 2011 | 0 comments

संसद में विचाराधीन सांप्रदायिक हिंसा रोकथाम (न्याय एवं क्षतिपूर्ति) विधेयक 2011 के मसौदा सार्वजनिक कर दिहल गइल बा. एह मसौदा के पढ़ला से इहे लागत बा कि एकरा से हिन्दूवन पर अंकुश लगावे में सरकार के निरंकुश कर दिहल जाई. देश के संघीय ढाँचा के बरबाद कर दिहल जाई से उपर से.

एह विधेयक के भावना इहे बा कि सगरी सांप्रदायिक अपराध देश के बहुसंख्यक समाज, मतलब हिन्दूवन से बा, करेला आ ओकरा के दंडित करल जरुरी बा. अगर कवनो अल्पसंख्यक उहे अपराध करत बा त ओकरा के एह विधेयक में दोषी नइखे मानल गइल. एही चलते एह विधेयक के जम्मू काश्मीर में ना लगावल जाई काहे कि ओहिजा हिन्दू अल्पसंख्यक बाड़े !

समूह के व्याक्या करत ओकरा के धार्मिक भा भाषायी अल्पसंख्यक तक सीमित कर दिहल गइल बा. एह विधेयक में उहे बात अपराध होखी जवन कवनो समूह का खिलाफ जानबूझ के कइल जात बा. आ हिन्दू जब एह समूह में शामिले नइखन त उनुका खिलाफ होखे वाला कवनो आचरण अपराध ना मानल जाई एह विधेयक का अनुसार.

दोसरे केन्द्र सरकार के असीमित अधिकार मिल जाई कवनो राज्य के अधिकार समेटे के. अबही कानून व्यवस्था राज्य सरकार का अधीन बा बाकिर एह विधेयक का बाद केन्द्र सरकार जब चाहे एह अधिकार के अपना सकेले आ राज्य सरकार का खिलाफ कार्रवाई कर सकेले.

एह विधेयक के तहत जवन राष्ट्रीय प्राधिकरण बनी तवना में प्रावधान राखल गइल बा कि ओहमें हिन्दू कबो बहुमत में ना आ पावसु. सात सदस्य वाला प्राधिकरण में चार सदस्य ओही समूहन से होईहन जिनका के अल्पसंख्यक मानल जाला. एह प्राधिकरण का लगे आपन पुलिस बल आ जाँच एजेंसी होखी जे कवनो राज्य में, जम्मू काश्मीर छोड़ के, सीधे कार्रवाई कर सकी.

एह विधेयक के लागू भइला का बाद केन्द्र सरकार कवनो संदेश ईमेल टेली कम्यूनिकेशन के बाधित भा रोक सकेले. जेकरा पर आरोप लगावल जाई ओकरा के तबले दोषी मानल जाई जबले ऊ खुद अपना के निर्दोष साबित नइखे करा लेत. विधेयक के प्रावधान का मुताबिक लोक अभियोजक साँच के सहायता खातिर ना बलुक पीड़ित के सहायता खातिर काम करीहें. जे शिकायत करी ओकर नाम पता गुप्त राखल जाई आ केस के प्रगति का बारे में ओकरा के लगातार जानकारी दिहल जाई.

कुल मिला के एह विधेयक के एके गो मकसद बा देश में हिन्दूवन के जिनिगी नरक बना देबे के आ हिन्दू हित के बात करे वाला नेता के गलत सलत आरोपन में बझा के जेल के हवा खिआवे के. अब अगर ई विधेयक एही रुप में पारित हो जात बा त ओकर दोष देश के ओह सगरी नेता लोग पर आई जे हिन्दूवन का विरोधे के सेकूलर काम समुझेले. जइसन नेता ओसामा के त ओसामाजी कहेले बाकिर हिन्दू धर्म के साधु संतन का खिलाफ अपशब्द बोले में तनिको ना हिचकिचासु.

रउरा एह विधेयक के खुद पढ़ सकीलें. आ आपन शिकायत भा समर्थन दे सकीलें. हम नइखी जानत के देश के बहुसंख्यक हिन्दू समाज एहपर का सोचत बा. हिन्दूवन के गरियावे में सबले आगा आखिरकार हिन्दूवे त रहेले. देश के अधिकतर पार्टियन के नेता हिन्दूवे त बाड़े. अलग बाति बा कि देश के शासन हिन्दू विरोधी हाथन में बा.

विधेयक पर आपन राय देबे के आखिरी तारीख बा १० जून. एहसे देरी मत करीं.

रउरा आपन राय एह विधेयक के मसोदा बनावे वालन तक इमेल से भेज सकीलें
wgcvb@nac.nic.in

नीरज का एगो कविता के कुछ पंक्ति उद्धृत करीं त कह सकीले

बदतमीजी कर रहे हैं आज फिर भौंरे चमन में
साथियो, आँधी उठाने का जमाना आ गया है.

राउर,
सम्पादक, अँजोरिया

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up