हैकिंग का बाद अँजोरिया फेर से शुरु हो गइल

by | May 21, 2011 | 4 comments

रउरा से में से बहुत लोग पिछला दू दिन से हैरान रहल होखी कि अँजोरिया फेर पूरा तरह वापिस आ पाई कि ना. संयोग आ दू दिन के परेशानी का बाद निनानबे फीसदी अँजोरिया फेर से काम करे लागल बा. थोड़ बहुत परेशानी बा उहो ठीक हो जाई.

एह संकट का घड़ी में रउरा अँजोरिया का साथे रहनी एह बात के खुशी बा. अँजोरिया पर आवे वाला पाठक दुनिया के कवनो दोसरा भोजपुरी वेबसाइट का मुकाबिले बेसी समय गुजारेले आ बेसी पन्ना पलटेले. हँ गिनती में जरुर कम पाठक आवेले बाकिर हमरा ओकर कवनो अफसोस नइखे. हम जानत बानी कि भोजपुरी से प्रेम बा त अँजोरिया पर देर सबेर आवहीं के बा. दोसरे हम कबीर के लाइन पर चलीले कि “कबीरा खड़ा बाजार में, सबकी पूछे खैर, ना काहू से दोस्ती ना काहू से बैर.” जहाँ तक पार लागेला कोशिश रहेला कि भोजपुरी के अलख जगवले राखल जाव. नयकी पीढ़ी के भोजपुरी से जोड़े खातिर नेट सबसे कारगर माध्यम ह आ एह पर भोजपुरी के दमदार मौजूदगी बनल रहे के चाहीं.

अँजोरिया के इहो खुशी बा कि एह काम में ऊ अकेले नइखे लागल. बहुते लोग एह काम में अपना अपना तरीका से लागल बा. ओहमें से केहू से रउरा विरोध हो सकेला बाकिर ओहमें से केहू के नजरअन्दाज ना कइल जा सके. एह मैदान में जेही बा से ही बावन हाथ के. अबर हो सकेला दूबरो हो सकेला बाकिर भाई में बरोबरे ना बेसी होखे के भाव त जरुरे खा सकेला.

आजु एह खुशनुमा मौका पर हम फेर भोजपुरी सेवा का प्रति आपन प्रतिबद्धता जतावत बानी.

भोजपुरी के दुनिया हमेशा अँजोर बनल रहो,

एही आशा आ विश्चास का साथ,

राउर,
ओम

पुनश्च: पिछला दिने हम भावावेश में ओह हैकर के कुछ बुरा भला कह दिहले रहीं. बाकिर आजु लागत बा कि ऊ आदमी धन्यवाद के पात्र बा जे बतवलसि कि कहाँ कहाँ कमजोरी बा. हैकिंग का बाद वेबसाइट के उहे हाल होला जवन इन्कम टैक्स के छापा पड़ला का बाद कवनो व्यवसायी के होला. कुछ दिन ले जरुर बाउर लागेला बाकिर जइसे जइसे हिसाब किताब दुरुस्त राखे के आदत पड़े लागेला तइसे तइसे जिनिगी खुशगवार होखे लागेला. टैक्स बचावल राउर अधिकार हो सकेला टैक्स चोरी ना. वेबसाइट के सुरक्षा पर ओहि तरह नियमित ध्यान देत रहला के जरुरत होला. कोशिश रहे के चाहीं कि नियमित रुप से अपना कम्प्यूटर आ वेबसाइट के बैकअप लेत रहीं.

Loading

4 Comments

  1. santosh kumar

    o.p.bhaiya
    bada hairani ke baat ba ki haikar log me nagar me ‘anjoria’ rahe…
    hamani ke umid ba ki raur prayas rang leke aa gail..
    anjoria ke sukhad kamana karat ruar ke kotish dhanyabad dem.
    hamara du teen din bujhaeel ki syad website me kono nirman ke kam chalat hoee ohi se band ba lekin ee jan ke bada aashchary hot ba.
    dhanyabad sahit
    santosh patel

  2. OP_Singh

    धन्यवाद लोकनाथ जी,

    ई सब रउरा जइसन हित मित के नेह ह जवना से अँजोरिया के दिया जरत रहेले.

    सादर, राउर
    ओम

  3. Lokenath Tiwary

    ओ पी जी,
    नमस्कार,
    अंजोरिया, फेर आपन प्रकाश फइलाई एह में कवनो संदेह ना रहल हा, त-बो फेर से पूरा भेटाई… एकरा लेके तनी संदेह रहुवे, जवन दूर हो गइल बा…..हैकिंग के भी रउरा सकारात्मक रूप में देखतानी….तब रउरा के कवनो शक्ति ना पछाड़ पाई…
    रउरा के धन्यवाद……

  4. Rajesh sharma

    Ajoria.com sab mahoday ke bahoot dhnyabad ba. Ajoria.com ago kranti ba je bhojpuri jaesan pichadal bhasha ke international lable apan pahachan batawe pryash karat batan. Ak bar fir se ja baba bhirug nath

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up