४ ( चार) अगस्त २०११ के धरना में सम्मलित होखे वास्ते निहोरा

by | Jul 13, 2011 | 3 comments

महोदय/महोदया,

पूर्वांचल एकता मंच (पंजी.) दिल्ली में एगो भोजपुरी आन्दोलन खातिर एगो सक्रिय आ समर्पित संस्था ह. साल २००१ से दिल्ली में भोजपुरी भाषा, साहित्य अउरी संस्कृति के विकास, प्रचार प्रसार अउर बढ़ावा देवे ला आपन वार्षिक काजकरम जइसे “भोजपुरी स्वाभिमान समारोह”, “पूर्वांचल स्वाभिमान समारोह” अउर “विश्व भोजपुरी सम्मलेन” के आयोजन करत आ रहल बा. इ संस्था के मांग पर दिल्ली सरकार दिल्ली में मैथली- भोजपुरी अकादेमी के गठन २००८ में कइले बिया. ई संस्था से भोजपुरी प्रेमी, पूर्वांचल जन,
भोजपुरी कवि, साहित्यकार, रंगकर्मी, विचारक, भोजपुरी के आन्दोलन कर्ता, भोजपुरी फिलिम के कलाकार, गीतकार, निदेशक आ भोजपुरी क्षेत्र के सामाजिक कार्यकर्ता ,राजनितिक आ चिन्तक लोग जुडल बा. भोजपुरी के समस्त नेही- छोही के बतावत हमारा ई ख़ुशी के अनुभव हो रहल बा की एही साल पांचवा विश्व भोजपुरी सम्मलेन के आयोजन, दादा देव मेला ग्राउंड, सेक्टर-८, द्वारका, नई दिल्ली में ९-१० अप्रैल २०११ के भइल रहे जेमे लोकसभा में अध्यक्ष आ भोजपुरिया गौरव श्रीमती मीरा कुमारी जी उद्घाटन कइले रही.भोजपुरी के उचित सम्मान दिलावे ला तमाम भोजपुरिया क्षेत्र के संसद काजकरम में ई प्रण ले ले रहस की ई साल भोजपुरी के
भारत के संविधान के आंठ्वी अनुसूची में सामिल करावे ला आपन आवाज संसद के २०११ के मानसून सत्र में बुलंद करब. रउरा लोगन के मालूम बा की भोजपुरी के ई मांग विगत १० साल से लंबित बा. २००६ में यु.पी.ऐ. सरकार ई बाबत कुछ करे के आश्वाशन भर देले रहे जवन अभियो ठंडा बस्ता में पडल बा.

रउरा सभे से ई निहोरा बा की अब हमनी के सरकार से आपन ई मांग के पूरा करावे ला आर-पार के लड़ाई लड़े खातिर कमर कसे के पड़ी. इहे विचार से दिल्ली के जंतर मंतर पर चार(४) अगस्त, २०११ के दिन में १० बजे से लेके २.०० बजे तक एगो जबरदस्त धरना आ प्रदर्शन करे की निर्णय लिहल गइल बा. भोजपुरी आन्दोलन के काजकरम में राउर जादा से जादा संख्या में उपस्तिथि सादर प्रार्थनीय बा.

रउरा सभे से ईहो निहोरा बा की रउरा जवन भी संस्था से जुडल बनी किरपा कर के आपन आपन संस्था के लैटर पैड पर भारत सरकार के प्रधान मंत्री आ गृह मंत्री के नावे, के नावे एगो ज्ञापन लिख के ले आएम ताकि हमनी जादा से जादा भारत सरकार के “भोजपुरी के आंठ्वी अनुसूची में शामिल” करावे के दबाव बना सकी सन. भोजपुरी के लडाई में राउर उपस्थिती के बहुत जरुरत बा .

जय भोजपुरी
राउर आपन
शिवजी सिंह
अध्यक्ष : पूर्वांचल एकता मंच (पंजी.)
नई दिल्ली

Loading

3 Comments

  1. Yugul Koshor Dwivedi

    शिवजी भाई
    प्रणाम

    हमनी के दल बल के साथै आयम सन.साथ में ज्ञापन भी रही.
    युगल किशोर

  2. amritanshuom

    एही शुभ घडी के इंतजार रहे . सम्मलेन के साथे-साथे आन्दोलन ना होई त केहू सुनबे न करी .सम्मलेन में कुछ खास -खास लोग के बोलाहट होखेला ,लेकिन आन्दोलन में सभे के नेवत दियाला .काहे से कि जहवां आम आदिमी ना जाई ओहिजा के आवाज बुलंद ना होई .जबले आवाज बुलंद ना होई सरकार , मिडिया के सुनाई ना .जबले सरकार के सुनाई ना तबले भोजपुरी के कुछ भेटाई ना. “पूर्वांचल एकता मंच ” के बड़ी नीक प्रयास बा .आशा बा सफलता हाथ में आई .
    धन्यवाद !

    गीतकार :-
    ओ.पी.अमृतांशु

  3. चंदन कुमार मिश्र

    अइसन चउपट देश आ नेता लोग से आशा बेकार बा? अगर अनुसूची में नाम आइए जाय त का हो जाई, ई त बाद में पता चली। लेकिन साँच त ईहो बा जवन नीचे लिखतानी।
    “एगो पट्टी बा जवना पर आठ-दस गो नाम लिखल बा। ओपर हल्ला कइला का बाद एगो आउर नाम ओमें जुड़ गइल। ऊ पट्टी कबाड़खाना में फेंकल बा।”

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up