कामर्शियल एक्शन फिलिम ह ‘लड़ाई’ – हैदर काज़मी

by | May 16, 2013 | 1 comment

Hyder-Ladaaiसिनेमा भोजपुरी के रियल रंगबाज हैदर काजमी आपन शुरूआत त हिंदी फिलिमन से कइले रहलें बाकिर जबसे सिनेमा भोजपुरी में डेग धइले बाड़ें तबे से लगातार सफल फिलिम देत आवत बाड़ें. अब ले ‘रंगबाज’, ‘कालिया’, आ ‘बिगुल’ जइसन अनेके फिलिमन से अपना अभिनय के रंग जमा चुकल अभिनेता हैदर काजमी अब ‘लड़ाई’ आ ‘प्रतिघात’ नाम के फिलिमन में आवत बाड़ें. ‘लड़ाई’ में हैदर काजमी के मुख्य भूमिका बा, त ‘प्रतिघात’ में मेहमान भूमिका में बाड़ें. पिछला दिने हैदर काजमी से मुलाकात भइल त एह फिलिमन के अलावा अउरिओ कई मुद्दा पर बात भइल. ओही बातचीत के कुछ अंश एहिजा दिहल जात बा.

हैदर काजमी जी, आजु काल्हु रउरा ‘लड़ाई’ के बहुते चरचा बा. आखिर कइसन बा ई फिलिम आ एहमें आपके किरदार कइसन बा ?

देखीं, ‘लड़ाई’ फिलिम पूरा पूरी कामर्शियल एक्शन आ खांटी भोजपुरिया फिलिम बा. खास कर के ई दू गो हीरो के कहानी बा जे पहिले त बढ़िया दोस्त रहलें बाकिर कुछ स्थानीय मुद्दा पर दुनु के टकराव होत बा आ शुरु हो जाता एगो लड़ाई. एह में अलग से कवनो खलनायक नइखे. कहीं त एकर हीरोवे नायक आ खलनायक दुनु बाड़ें. दुनु के भूमिका शुरू में निगेटिव बा जवन बाद में पॉजिटिव हो जात बा. इहो जान जाईं कि एहमें दर्शकन के अनेके खतरनाक एक्शन स्टंट देखे के मिली.

फिल्म ‘लड़ाई’ के निर्माता-निर्देशक आ बाकी कलाकारन क बारे में कुछ ?
निर्माता हउवें के.के. तिवारी आ निर्देशक आनंद डी. गहतराज. कलाकारन में हमरा अलावे अंजना सिंह, विशाल तिवारी आ नवोदित नूरी शेख के खास भूमिका बा. फिलिम करीब पूरा हो चुकल बा आ जून जुलाई ले रिलीह होखे के उमेद बा.

हैदर जी, आप त ‘प्रतिघात’ फिलिमो में आवे वाला बानीं ?
जी, एहमें हमार भूमिका मेहमान कलाकार के बाकिर बहुते खास बा. निर्माता नीरज यादव अहिरा के एह फिलिमो के निर्देशन आनंद डी. गहतराजे के बा. एहमें हम एगो इन्स्पेक्टर के भूमिका में बानी आ फिलिम मई में रिलीज होखे वाली बा.

आनंद गहतराज के निर्देशन में लगातार दू गो फिलिमन में काम कइला के अनुभव कइसन रहल ?
बेहद लाजवाब अनुभव रहल. दरअसल, उहाँ के बहुते सुलझल हईं आ बेहद शांति से काम करीलें. उहाँ के सीनियर निर्देशक होखला का साथही राष्ट्रीय पुरस्कार से नवाजलो हईं.

आप अपना भूमिका के चुनाव कइसे करीलें ?
देखीं, हम हर तरह के भूमिका कइल ना चाहीं आ वइसने भूमिका चुनीलें जवन हमरा पर्सनेलिटी आ पसंद का हिसाब से होखे. मतलब कि जबले कवनो स्क्रिप्ट भा किरदार हमरा मन के छू ना लेव, तबले ओकरा के हम सकारी ना.

हैदर जी, ‘लड़ाई’ आ ‘प्रतिघात’ त अब रिलीज होखे वाली बाड़ी सँ. बाद के तइयारी का बा ?
हाल-फिलहाल त एह फिलिमन के प्रमोशन में लागल बानी. एहसे फुरसत मिली त निर्माता गोपी यादव के फिलिम ‘दुल्हिन’ के शूटिंग शुरु करब. एहमें हमरा साथे रहीहें रानी चटर्जी.


(शशिकांत सिंह, रंजन सिन्हा)

Loading

1 Comment

  1. sahil khan

    plz care

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up