खबर एक नजर में

by | Apr 27, 2011 | 0 comments

इंजीनियरिंग परीक्षा खातिर स्पेशल ट्रेन

कर्नाटक का बैंगलुरु में होखे वाला इंजीनियरिंग प्रवेश परीक्षा खातिर अगिला दस मई के एगो विशेष गाड़ी दरभंगा से खुली जवन यशवन्तपुर तकले जाई. दरभंगा से सबेरे ६.४० पर खुले वाली ई रेलगाड़ी समस्तीपुर से ७.४० पर, बरौनी से ८.४५ पर आ पटना से १२.३० पर खुली. लवटति में यशवंतपुर से १० मई के रात ११.३० बजे खुली आ वापिस दरभंगा ले जाई.

बिहार पंचायत चुनाव के तिसरका चरण

आजु बुध २७ अप्रैल के वोट डालल जा रहल बा. पिछला दुनु चरण का वोटिंग का दिने भइल हिंसक घटना के ध्यान में राखत प्रशासन पहिले से चौकस बा. मैदान छोड़ के भागे वाला सुरक्षाकर्मियन का खिलाफ कार्रवाई कइल जाई. नक्सल प्रभावित 14 गो प्रखंड में तीने बजे ले वोटिंग होखी. बाकी जगहा चार बजे ले वोट डालल जा सकी.

लड़की उठा ले गइले सँ

भेल्दी थाना क्षेत्र के मानपुर गांव से खरौनिया माई का मंदिर में पूजा करे गइल एगो स्कूली छात्रा के कोरेया गाँव के कुछ लड़िका बहका फुसला के भगा ले गइल बाड़े सँ. लड़की के बाप थाना में मुकदमा दर्ज करा दिहले बाड़न. पुलिस एकरा के प्रेमप्रपंच के मामिला मानत बिया.

अपना फिलिम के प्रचार में मोहन राठौर

महुआ टीवी के सुर संग्राम के विजेता मोहन राठौर अब फिलिम में काम करे लागल बाड़े. अभय सिन्हा आ महुआ टीवी के सहयोग से बनल फिल्म “जंग” में मोहन राठौर पहिला बेर सिनेमा का परदा पर आइल बाड़न. मोहन राठौर के दुगो अउरियो फिलिम नाचा गावा मजा करा आ हमार मेहरारु नं॰ वन आ म्यूजिक अलबम प्यार साँचो करिला जल्दिये आवे वाली बाड़ी सँ. मोहन राठौर के कहना बा कि कुछ दर्शकन के डिमाँड आ कुछ निर्माता लोग का लालच का चलते भोजपुरी सिनेमा में फूहड़पन बढ़ल बा. अइसनका करे वाला कुछे लोग बा बाकिर पूरा इन्डस्ट्री बदनाम हो जात बिया.

ग्रामीण प्रबंधन संस्थान के दीक्षान्त समारोह

काल्हु मंगल का दिने गुजरात के आनन्द में ग्रामीण प्रबंधन संस्थान के दीक्षान्त समारोह में संस्थान के तीसवाँ बैच के उपाधि वितरण देश के उपराष्ट्रपति हामिद अंसारी का हाथे भइल. सगरी विद्यार्थी पुरा तरह से भारतीय वेश भूषा में रहलें. देह पर सफेद पाजामा कुर्ता, गोड़ में कोल्हापुरी चप्पल, आ उपाधि का साथ मिले वाला अंगवस्त्रम सगरी विद्यार्थियन के एक साथ जोड़त रहे. लड़िका लड़िकी दुनु के एकही वेश रहे. देश के प्रतिष्ठित प्रबंधन संस्थानन में शुमार आनन्द के ग्रामीण प्रबंधन संस्थान से निकले वाला छात्र बड़हन कंपनियन का बदले सामाजिक सेवा में लागल आ ग्राम विकास के काम करे वाली कंपनी आ संस्था से जुड़ल पसन्द करेलें. हर साल का तरह एहु साल सगरी लोग के कैंपस प्लेसमेंट मिल चुकल बा आ अब लोग अपना अपना नौकरी पर चल जाई.

देश में एक हजार विश्वविद्यालयन के जरुरत बा

केन्द्रीय मानव संसाधन मंत्री कपिल सिब्बल राजस्थान के बांदरसिंदरी में राजस्थान केन्द्रीय विश्वविद्यालय के आधारशिला पट्टिका के अनावरण कइला का बाद अपना संबोधन में कहले कि देश में एक हजार नया विश्विवद्यालय आ ४५ हजार नया महाविद्यालयन के जरुरत बा जवना खातिर सरकार अकेले सबकुछ ना कर सके. निजी क्षेत्र के एह दिशाईं आगा आवे के पड़ी.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up