भोजपुरी दर्शकन के राजाजी यानि कि मनोज पाण्डेय कबो रोमांटिक हीरो बनि के लोग के दिल लूटेले त कबो एंग्री यंग मैन बन के ओह लोग के अभिव्यक्ति देले. बाकिर हालत ई हो गइल बा कि इहे मनोज पाण्डेय अब घर घर में चोरी करे लागल बाड़न. अब एह पर चिंहुकला के जरूरत नइखे काहे कि मनोज पाण्डेय ई काम अपना नयकी फिल्म चालबाज चुलबुल पांडे में करे जात बाड़े.
लगातार अपना फिलिमन में व्यस्त रहे वाला मनोज पाण्डेय अबहीं पटना में चलत फिल्म चुलबुल पांडे के शूटिंग में व्यस्त बाड़न हर फिल्म का तरह एहू फिल्म में मनोज पाण्डेय के एगो नये रूप नजर आई. काहे कि मनोज पाण्डेय के कहना बा कि फिलिम भले कम करसु बाकिर किरदार अइसन रही कि दर्शकन के याद रहो.
(स्रोत – संजय सिंह)
