दक्खिन के मशहूर अभिनेत्री मधु शर्मा अब भोजपुरी के प्रसिद्ध निर्माता अभय सिन्हा आ टी. पी. अग्रवाल के बनावल अउर अनिल अजिताभ निर्देशित भोजपुरी फिल्म ‘‘एक दूजे के लिए’’ से भोजपुरी पर्दे पर धमाल मचावे आइल बाड़ी. यशी फिल्मस प्रा. लि. आ कैपिटल फिल्मस प्रा. लि. के बैनर तले बनत एह फिल्म में मधु शर्मा दू गो बड़का भोजपुरी स्टारन, दिनेश लाल यादव निरहुआ आ पवन सिंह, का साथ प्यार करत लउकीहें. एह फिल्म में मधु के लुक बहुते ग्लैमरस बा.

एहसे पहिले मधु शर्मा दर्जन भर दक्खिनी फिलिमन में काम कर चुकल बाड़ी. ‘एक दूजे के लिए’ फिलम का बारे में मधु शर्मा के कहना बा कि एह फिल्म में काम करके उनुका बहुते मजा आइल आ मानत बाड़ी कि देखहूवालन के ओतने मजा आई.


(प्रशांत निशांत के रपट)

By Editor

कुछ त कहीं...

This site uses Akismet to reduce spam. Learn how your comment data is processed.