’खून की होली एक प्रतिघात’ नारी प्रधान एक्शन फिलिम ह जवना के सपरिवार देखल जा सकेला. एहमें नीरज यादव के बतौर खलनायक ब्रेक मिलल बा. अनुभव मोशन पिक्चर्स के एह प्रस्तुति के निर्देशक आनंद डी गहतराज आ निर्माता नीरज यादव (अहीरा) हउवें.
नीरज यादव एगो दबंग बाहुबली नेता बनल बाड़ें त अक्षरा सिंह उनकर भंडाफोड़त पत्रकार. नीरज के आँख में ई पत्रकार हमेशा खटकत रहतिया. नाराजगी आ जुल्म करे के नया तरीका देखावे वाला खलनायक नीरज यादव रंगमंच आ दूरदर्शन(गोरखपुर अउर मेट्रो) पर लेखन, निर्देशन आ अभिनय कर चुकल बाड़न आ ई नीरज के पहिला फीचर फिलिम ह. असल जिनिगी में विधान सभा चुनाव हार चुकल नीरज यादव एह फिलिम में विजयी रहत बाड़ें आ कहत बाड़ें कि फिलिमे में ना बाक्सो आफिस पर जीत दर्ज करीहें.
(संजय भूषण पटियाला)
