निर्देशक राजकुमार आर॰ पाण्डेय के हर फिलिम के दर्शकन के ढेरहन प्यार मिलत आइल बा आ इनकर सगरी फिलिम सुपरहिट होली सँ. अब इनके निर्देशन में बनल निर्माता प्रदीप सिंह के ‘खून भरी मांंग’ बिहार में मिलल सफलता का बाद मुंबईओ में धमाकेदार ओपनिंग लिहले बिया.
एक्शन स्टार अभिनेता मनोज आर॰ पाण्डेय के जबरदस्त एक्शन आ स्टंट बावे एह फिलिम में. इनकर बोलल कुछ संवाद त हर देखेवाला का जुबान पर चढ़ जात बा. जइसे कि ‘अब चाहे आंधी आवे या तुफान, खोदे के पड़े कब्र चाहे भेजे के पड़े केतनन के शमशान, जब आ जाईले अपना आन पर तऽ मिटा देहिला केहू के भी शान!’
एह फिलिम में मनोज पाण्डेय के सहयोगी अदाकारा बाड़ी भोजपुरी के लोकप्रिय अभिनेत्री पाखी हेगड़े.
(रामचंद्र यादव, संजय भूषण पटियाला)
