भोजपुरी फिलिमन के नंबर वन अदाकारा रिंकू घोष आ नम्बर वन खलनायक संजय पाण्डे के चाहे वालन के भीड़ एक बेर फेर उमड़ल एह लोग के “दुश्मनी” देखे खातिर. उत्तर प्रदेश आ बिहार में सुपर हिट होखला का बाद मुम्बई में प्रदर्शित भइल एह “दुश्मनी” के देख के लवटति मुम्बईया दर्शकन में बस रिंकू घोष आ संजय पाण्डे के चरचा रहल. अलग बाति बा कि रिंकू घोष दिल जीत लिहले रहली आ संजय पाण्डे के लोग गरियावत रहे. संजय एह गारिये के आपन पुरस्कार मानेले काहे कि खलनायक गारी सुने लागे त बूझ लीं कि दर्शकन के जीत लिहले बा. “दुश्मनी” के मिलल एह सफलता का बाद रिंकू घोष आ संजय पाण्डे के सभकर बधाई मिलत बा.
(स्रोत – शशिकान्त सिंह)
