देश के मशहूर आ प्रतिष्ठित अंग्रेजी अखबार द टाईम्स ऑफ इंडिया में प्रकाशित ‘‘किंग्स ऑफ प्रोविन्सेज’’ लेख में भोजपुरी जुबली स्टार दिनेशलाल यादव ‘‘निरहुआ’’ के भोजपुरी सिनेमा के किंग बतावल गइल बा. एह लेख में टाईम्स ऑफ इंडिया देश के इलाकाई फिलिमन के स्टारन के सूची छपले बावे जवना में तमिल स्टार एम. जी. रामचन्द्रन, तेलुगू स्टार एन. टी. रामाराव, मलयालम स्टार मोहनलाल, छत्तीसगढ स्टार अनुज शर्मा आ सिनेमा भोजपुरी के सबले बड़का स्टार में निरहुआ के नाम लिखल गइल बा.
गौरतलब बा कि भोजपुरी जुबली स्टार ‘निरहुआ’ भोजपुरी सिनेमा के नया ऊँचाई दिहले बाड़न आ पिछला पाँच साल से सिनेमा भोजपुरी के नंबर वन नायक बाड़न.
(प्रशांत निशांत के रपट)
