पिछला २३ अगस्त के बिहार में रिलीज अक्षरा सिंह आ खेसारी लाल अभिनीत भोजपुरी फिलिम ” ए बलमा बिहार वाला” अपना धुँआधार आगाज के साथे दर्शकन के मोह लिहलसि. एकरा के बिहार के ५४ गो सिनेमाघर में रिलीज कइल गइल आ हर जगह दर्शकन के उछाह देखे के मिलल.
एह फिलिम के गीत पहिलहीं से हिट रहले आ अब ओह गीतन के परदा पर देख दर्शक मन्त्रमुग्ध हो गइलें.
अक्षरा सिंह अभिनीत एगो अउरीओ फिलिम “प्यार झुकता नहीं” बिहार में सफलता के परचम लहरवलसि.
अब अक्षरा सिंह आ खेसारी लाल के हिट जोड़ी भजन सम्राट अनूप जलोटा के फिलिम साइन कइले बाड़ें जवना के शूटिंग शुरू हो गइल बा. निर्देशन करत बाड़ें सनोज मिश्रा आ अजय झा.
(भोजवुड न्यूज)
222 total views, 4 views today