सुनीता बिलियम्स आ कल्पना चावला हिंदुस्तान के लड़िकियन में अइसन जोश जगवली कि एगो किसान के बेटी कुसुम बिहार के शान बन गइल. बिहार के इंटरमीडिएट परीक्षा में सगरी बिहार में अव्वल आ के कुसुम आपन परचम फहरा दिहली.
मैनास प्रोडक्शन प्रा लि के बैनर तले बनत भोजपुरी फिलिम ‘सजना मँगिया सजाई द हमार’में कुसुम के किरदार में नेहा श्री बिहार इंटरमीडिएट परीक्षा में पहिला जगहा पा के देखा देत बाड़ी कि बेटा बेटी में कवनो फरक ना के समुझे चाहीं. आजुकाल्हु बेटियो बेटन साथे कान्ह से कान्ह मिल के चलत बाड़ी सँ.
फिलिम के कथाकार एल बी शास्त्री, पटकथा आ संवाद लेखक ‘ओढनिया कमाल करे फेम’ ओम प्रकाश यादव, निर्माता जगदीशपुर के हलचल सिंह, निर्देशक बागी बलिया के ओम प्रकाश यादव, कार्यकारी निर्माता डॉ कुलदीप सिंह, छायांकनकर्ता विनोद के शर्मा, गीतकार-संगीतकार राकेश निराला, कला निर्देशक विजय दास, नृत्य निर्देशक मयंक अशोक आ गणेश के सपना, मारधाड़ मास्टर जग्गू साठे, संकलनकर्ता कुणाल प्रभु हउवें.
एह महिला प्रधान फिलिम के मुख्य कलाकारन में नेहा श्री, अरविन्द अकेला ‘कल्लू’, अर्चना सिंह, रविराज ‘दीपू’, मनोज सिंह टाईगर, बालेश्वर सिंह, सी पी भट्ट, अमित कुमार, प्रीति सिंह, शफीक रंगरेज़, सुनीता शर्मा, उमेश सिंह, चन्दन कश्यप अउर महाभारत के द्रोणाचार्य फेम सुरेन्द्र पाल के नाम बाा.
(रामचंद्र यादव)
316 total views, 2 views today