SujitGupta-DivyaDvivediकोलकाता के मशहूर मॉडल सुजीत गुप्ता अभिनय के क्षेत्र में डेग धरत भोजपुरी फिलिम “ठोक देब” से अपना पारी के शुरुवात कइले बाड़न. यश एंड राज इंटरटेनमेंट के बैनर में बनत निर्देशक अजय कुमार के एह फिलिम में सुजीत गुप्ता एगो इमानदार पुलिस अधिकारी के भूमिका में बाड़ें. उनुका साथे बाड़ी अभिनेत्री दिव्या द्विवेदी .

कोलकाता में दर्जनो रेम्प शो, प्रिंट एड, कलेंडर शूट वगैरह आदि कर चुकल सुजीत के कहना ह कि ऊ अभिनय का बारे में सोचलो ना रहले बाकिर जब उनुका अपना भाषा भोजपुरी में फिलिम करे के मौका मिलल त ना ना कर पवलें. बतवलें कि फिलिम ठोक देब के अलावहु उनुका कईएक फिलिमन के प्रस्ताव मिलल बा. कुछेक फिलिमन के शूटिंग जल्दिए शुरू होखे वाला बा.

ठोक देब में पवन सिंह, अक्षरा सिंह, नीलिमा सिंह, ब्रिजेश त्रिपाठी, गोपाल राय, बिपिन सिंह, मनोज द्विवेदी, बालगोविन्द बंजारा वगैरह मुख्य भूमिका में बाड़ें, साथही अभिनेत्री संगीता तिवारी, सीमा सिंह आ शिवानी सामंता के आयटम नंबरो एह फिलिम में बा.


(उदय भगत)

By Editor

कुछ त कहीं...

This site uses Akismet to reduce spam. Learn how your comment data is processed.