खेसारी लाल के नया भोजपुरी फिलिम ‘बाबरी मस्जिद’ के पहुलका झलक पिछला दिने मुम्बई में जारी हो गइल.
एक तरफ आजुकाल्हु खेसारी लाल के फिलिम ‘मेहंदी लगाकर रखना’ बॉक्स ऑफिस पर धमाल मचवले बिया ओहीजे दोसरा तरफ माँ केला देवी फिल्म के बैनर तर बनल भोजपुरी फिलिम ‘बाबरी मस्जिद’ के पोस्टरो के पब्लिक बहुते चाव से देखत बाड़ें
फिलिम बाबरी मस्जिद के पोस्टर देख के खेसारीओ लाल खूब खुश बाड़न. फिलिम के निर्माता धीरेन्द्र चौबे बतावत बाड़न कि एह फिलिम के फगुआ का मौका प रिलीज कइल जाई.
बाबरी मस्जिद फिल्म में खेसारी लाल यादव का साथे काजल राघवानी, अवधेश मिश्र , संजय पांडेय , बृजेश त्रिपाठी , ऋतू पांडेय , त्रिशा खान , के.के .गोस्वामी , पप्पू यादव , देव सिंह अउर सम्भवना सेठ जइसन साथी कलाकार नजर आवे वाला बाड़न.
फिलहॉल फिलिम के पोस्ट प्रोडक्शन के काम मुम्बई के ऑडियो लैब में कइल जा रहल बा. एकर निर्देशक देव पांडेय हउवन.


(संजय भूषण पटियाला)

 155 total views,  1 views today

By Editor

%d bloggers like this: