फिलिमन के आईटम गीतन के आपन अलगे मजा होला. एक मजा है .आईटम गाना आवत लोग झूमे लागेला. आजु अइसने एगो अदाकारा के बात करे के बा जिनकर आईटम लोग का दिल में बस जाला. एह आईटम के नाम ह संजना सिल्क जिनका के हमनी का जल्दिए ‘तक़दीर का फैसला’ फिलिम में देखब जा.
फिलिम के शूटिंग ४ सितम्बर से गोंडा में शुरू होखे वाला बा आ संजना अपना आईटम गाना का साथही अपना अदाकारिओ के जलवा देखइहें एहमें.
उत्तर प्रदेश से आइल संजना पिछला तीन साल से फिलिम इंडस्ट्री से जुडल बाड़ी आ अबले अनेके भोजपुरी एल्बमन में काम क चुकल बाड़ी. संजना के हर एल्बम के दर्शक बेहद पसंद कइले बाड़न.
‘तक़दीर का फैसला’ फिलिम के निर्देशक आनंद श्रीवास्तव के कहना बा कि उ संजना के अब ले के काम देखिए के फिलिम में लिहले बाड़न.
संजना कुछ अउरिओ फिलिम करे वाला बाड़ी जवना में पवनो सिंह के साथ के फिलिम बाड़ी सँ. इनकर आईटम आ अभिनय अनेके फिलिमन में जल्दिए देखे के मिले वाला बा.
(संजय भूषण पटियाला)
262 total views, 2 views today