बिहार के रहेवाली निशी चौबे सफल गृहिणी का भुमिका में रहते अब फिल्मो निर्माण क काम शुरु कर दिहले बाड़ी. उनकर ई प्रयास दोसरो औरतन के हौसला अफजाई करी जे घर का चहारदिवारी का भीतर रह के अपना भीतर के प्रतिभा दबवले रखले बाड़ी. निशी चौबे के भोजपुरी फिल्म कुरबानी में सामाजिक बुराईयन के उजागर कइल गइल बा. निशी चौबे कहत बाड़ी कि फिल्म के साफ सुथरा बनावल गइल बा जेहसे कि पूरा परिवार एक साथे बइठ के फिल्म देख सको.
फिल्म कुरबानी के शूटिंग हैदराबाद में स्टूडियो में करावल गइल बा. फिल्म में कुल छह गो गाना बाड़ी सँ जवना के संगीत लाल सिन्हा बनवले बाड़े. एक्शन आ इमोशन से भरपूर एह फिल्म के नायक सुदीप पाण्डेय बाड़े जिनकर पहिलका फिल्म भोजपुरिया दारोगा सुपर हिट भइल रहुवे.
(स्रोत : संजय भूषण पटियाला)
326 total views, 2 views today