भोजपुरी सिनेमा के स्टार पंकज केसरी अब भोजपुरिया परदा छाप लेबे के तइयार बाड़न. उनका पूरा यकीन बा कि उनकर आवे वाली फिलिमन के सफलता का साथे ऊ दर्शकन का दिलो दिमाग में आपन जगह बना लीहें. एह साल उनकर आवे वाली फिल्मन में पहिलका होखी द ग्रेट हीरो हीरालाल जवना में उनकर नायिका बाड़ी हॉट गर्ल मोनालिसा.
ओकरा बाद आई मेरा बलमा छैल छबीला जवना में पंकज के नायिका बाड़ी स्टार अदाकारा रानी चटर्जी. इहे जोड़ी फेर नजर आई अनूप जलोटा के फिल्म तेजाब में, जवना में अनारा गुप्तो बाड़ी.
अजय श्रीवास्तव निर्देशित फिल्म नथुनिये पे गोली मारे में पंकज के नायिका बाड़ी गुंजन पंत. पंकज के कई गो फिलिम फ्लोरो पर बाड़ी सँ जवना में जुदाई, त्रिनेत्र, रिक्शावाला आई लव यू, जीजा जी की जय हो, साँवरिया तोहेस लागी कैसी ये लगन, लागल प्रेम रोग वगैरह.
(स्रोत : प्रशान्त निशान्त)
364 total views, 6 views today