जानल मानल फिलिम फाईनेंसर दुर्गा प्रसाद मजूमदार आ ‘भोजपुरी सिटी’ ट्रेड मैगजिन के किसन खदरिया अउर मशहूर निर्माता निर्देशक रमाकांत प्रसाद के फिलिम ‘प्यार किया तो डरना क्या’ के शूटिंग पूरा हो गइल बा आ अब एकर पोस्ट प्रोडक्शन के काम शुरू हो गइल बा.
एकर शूटिंग नेपाल में करावल गइल बा. दुर्गा प्रसाद मजूमदार के कंपनी आदि शक्ति इंंटरटेनमेंट, किशन खदरिया के नवेन्दु मल्टी मिडिया आ रमाकांत प्रसाद के कुमारी माई मूवीज के बैनर तले बनत एह फिलिम से पहिला बेर ई तीनो दिग्गज एक साथे जुड़ल बाड़ें.
फिलिम में राकेश मिश्रा अउर काजल राघानी आ पुनम दूबे के मुख्य भुमिका बा. संगीत ह दुर्गा नटराज के.
कहल जात बा कि दुर्गा प्रसाद मजूमदार, किसन खदरिया अउर रमाकांत प्रसाद के एह फिलिम के दर्शकन के भरपूर प्यार मिली.
(शशिकांत सिंह, रंजन सिन्हा)
