भोजपुरी के नंबर वन नायिका रिंकू घोष के जोड़ी सभही स्टारन संगे जम जाला. अब रिंकू घोष राजकुमार पांडे के फिलिम नगीना में नायक चिंटू पांडे संगे आपन रंग जमावत लउकीहे. एह फिलिम रिंकू घोष के कमाले कमाल देखे के मिली. हिट प हिट फिलिम देबे वाली रिंकू घोष असलम शेख निर्देशित ‘औरत खिलौना नहीं’ में जमके एक्शनो करत नजर अइहें. राजकुमार पांडे के फिलिम ‘खून भरी मांग’ के शूटिंग हालही में पूरा करवले बाड़ी रिंकू. बिहार का बाद मुंबई में देखावल जात ‘इ कईसन प्रथा’ फिलिमो में रिंकू के किरदार लोग के नीक लागल बा.
राज कुमार पांडे के फिलिम ‘सात सहेलियां’, ‘जीना तेरी गली में’, आ ‘दुश्मनी’ में बतौर नायिका रंग जमावेवाली रिंकू के जलवा अब राजकुमारे पांडे के फिलिम ‘नगीना’ में देखे के मिले वाला बा. पिछला दिने एह फिलिम के शानदार मुर्हूत करावल गइल.
(शशिकांत सिंह, रंजन सिन्हा)
0 Comments