बहुते कम समय में देश विदेश के भोजपुरिया दर्शकन के दिल में अपना ला नेह भरल जगहा बना लेबे में कामयाब रहल महुआ प्लस अब अपना देखनिहारन के एगो नया कलेवर आ नया रंग-रूप में नज़र आई अब. महुआ प्लस पहिलही से अपना एक ले बढ़के एक बेहतरीन रिएलिटी शोज खातिर जानल जाता आ एही चलते ई चैनल अपना देखनिहारन के पहिला पसंद बनि के हमेशा सुर्खियन मे रहल बा.

भौजी नं वन, सुरवीर जइसन रिएलिटी शोज, नया नया भोजपुरी फिलिम, हिंदी आ भोजपुरी फ़िल्मन के गाना, भक्ति-भजन, आरती जइसन उम्दा कार्यक्रमन के देखेवाला हमेशा आपन नेह देत आइल बाड़ें. अब एक बेर फेरु महुआ प्लस अपना देखनिहार के पसन्द प ध्यान देत नया प्रोग्राम, नया-नया फिलिमन आ गीत गवनई का साथे आवे वाला दिनन में कई एक नया प्रोग्रामो के शुरुआत करे वाला बा.

“सोंग्स ऑन डिमांड” जइसन प्रोग्राम जल्दिए शुरु होखे जात बा जवना में रउआ अपना पसंद के गाना “सोंग्स ऑन डिमांड” प्रोग्राम मे देख सुन पाएब. बाकी टेलीविज़न प्रोग्रामन से एकदम अलग फार्मेट में पेश होखे जात एह प्रोग्राम के सबले खास बाति ई होखा कि रउरा आपन फरमाइश व्हाट्सअप संदेश से भेजब आ ओकरा के लाइव देख सुन सकब. एकरे अलावा इंटरटेनमेंट खबरन में फ़िलिमन के समीक्षा, गाना, सेलेब टॉक वगैरह रही. खास खास अवसरन प महुआ प्लस अउरियो अनेके खास प्रोग्राम लेके आइल करी. एह प्रोग्रामन के भोजपुरी जगत के राउर चहेता चहेती सितारा मोनालिसा, आम्रपाली दुबे, गुंजन पन्त, सीमा सिंह, पवन सिंह, खेसारीलाल, निरहुआ, विक्रांत सिंह राजपूत, प्रियेश सिन्हा, देवी, गोपाल राय, विनय आनंद, वगैरह लोग अपना दमदार परफॉरमेंस से सजावल करी.

भोजपुरियन के पहिलका पसंद महुआ प्लस अब डेन नेटवर्क, सिटी मौर्या, फास्टवे, एशियानेट, स्काईनेट, सेवन स्टार, ई डिजीटल. नेटविजन, एचडीएस, जीटीपीएल वगैरह बड़का केवल नेटवर्कनो प उपलब्ध हो गइल बा.


(सर्वेश कश्यप, पी आर ओ)

Advertisements

This site uses Akismet to reduce spam. Learn how your comment data is processed.