– तारकेश्वर राय
जोगीरा सा रा रा रा …
राब गुर त भेटाते नइखे, महंग भइल चाउर ।।
बी.पी.एल. के कारड लेके, झनकऽ का करबऽ आउर ।।
जोगीरा सा रा रा रा …
का करबऽ भोपाल जाके, कइसे तोड़बऽ मायाजाल के ।।
रंग अबीर ढोल आ चंग बा, होली क ख़ुशी परिवारे के संग बा ।।
जोगीरा सा रा रा रा …
रार, द्वेष के भांगे में पीसऽ, डाह, जलन के रंगे में मीसऽ ।।
होली मनावऽ ढोल बजा के, गुझिआ खा के, फगुवा गा के ।।
जोगीरा सा रा रा रा …
होलिया के बहाने, सबके बटोरऽ, भरिके अंकवारि में मनवा टोवऽ ।।
नाता के फुलवारी के राखऽ हरियर, राखऽ नेह भउजी जइसे नइहर ।।
होली ह भाई होली ह बुरा न मनीह होली ह ।
284 total views, 3 views today