ईशु स्मृति शोक गीत

by | Sep 2, 2015 | 0 comments

Ishu
चलि गइल छोड़ि कवन देसवा हो बाबू,
मिले नाहिं कवनो सनेसवा हो बाबू।।

गोदिये से गइल, अवाक् रह गइनीं
कवनो ना बस चलल, का का ना कइनी
कुहुके करेजवा कलेसवा हो बाबू।।

बबुआ तुँ रहल, एह अँखिया के जोति
तोहरे ला झरेला, नयनवा से मोती
हूक उठे हिया हरमेसवा हो बाबू।।

पलनी आ पोसनी, नहवनी खिअवनी
संगे संगे खेलनी आ संगहीं पढ़वनी
संगहीं सुतवनी विसेसवा हो बाबू।।

तोहर ऊ बतिआ, सुरतिया सतावे
हँसल हँसावल से अधिका रोआवे
परल बाटे प्रान पेसम पेसवा हो बाबू।।

हर एक हुकारी पर, मरलऽ किलकारी
धने धने होत रहली तोहर महतारी
ध लिहली पगली के भेसवा हो बाबू।।

डाँटे फटकारे के दिहल ना मोका
सोचले ना रहनी जे मिली अस धोखा
कठिन बा विधान कइल फेसवा हो बाबू।।

लागल अचक बान, रोग अस धइलस
कवनो उधापन ना फेर काम अइलस
सूझे ना जाये के उदेसवा हो बाबू।।

दवा दारु कवनो कामे ना आइल
पंथ पैथ कइनी सब जवने बुझाइल
तंत्र मंत्र जाप सब झलेसवा हो बाबू।।

अदमी जो पसिझे, हो जाला सहाई
टारे लिखलका ना विधना कसाई
सूने अरदास ना महेसवा हो बाबू।।

ढोवले ढोवाला ना, कान्ह के इ बोझा
बेटा जब चल जालें, बापे का सोझा
तनिको सहाला ना ठेसवा हो बाबू ।।

आखिर में कहलऽ कि बाबूजी बनाईं
टुके टुके हो गइल करेज का देखाईं
बिसरे ना रुप रंग भेसवा हो बाबू ।।

तीज तेवहार दिन खुशी के जो आवे
तोहर इयाद ईशु अधिका रोआवे
घर भर के रहल गनेसवा हो बाबू ।।

दुनिया में आवे से जानी जे जाला
आपन जब जाला मरम तब बुझाला
माने ना मन उपदेसवा हो बाबू ।।

दिनों में सुत जाईं, सपनो में अइबऽ
कब अइबऽ आके तूँ सबके हँसइबऽ
मेटित मुस्कान से कलेसवा हो बाबू।।

लागल बा असरा जे ईशु फिर अइबऽ
बाकिर जब अइबऽ त कइसे चिन्हइबऽ
जिनगी के जे बा उदेसवा हो बाबू ।।

– डॅा० जयकान्त सिंह ‘जय’

(तिथि – ३१-५-२०१५ )


(पुत्र विछोह में एक बाप के दिल की कराह है यह कविता. उनका ला तोस के दू गो शब्द नइखे मिलत. भगवान उनका के हिम्मत आ ताकत देसु एह दुख के सहे के आ बेटा इशु (स्व. शुभेन्द्र प्रताप सिंह) के आत्मा के शांति मिले, इहे कह सकीलें – संपादक)

Loading

0 Comments

Submit a Comment

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up