हमनी के सबसे बड़ आदत ह चापलूसी

by | Jan 27, 2014 | 0 comments

jayanti-pandey

– जयंती पांडेय

जाड़ के दिन रामचेला आ बाबा लस्टमानंद बइठल कौड़ा तापत रहले. बात चलल देश के हाल पर आ चलत-चलत चलि आइल हमनी भारत के लोग का शौक पर.

बाबा पूछले कि ‘जानऽ तारऽ, अपना देश के लोग के सबसे बड़हन शौख का ह ? केहु कुछ बतावल, केहु कुछ. बाबा कहले, “ई भारत देश में तहरा लोगन के ना रहे के चाहीं. अपना देश के लोग के सबसे प्रिय शौख ह चापलूसी चाहे चमचागीरी. जवन काम तहरा ना आवत होखो त ई चापलूसी के बदौलत ओहू काम के बड़का जानकार हो जइबऽ. हम अइसन ढेरे आदमी के जानेनी जे दुनिया के कवनो भाषा में दस लाइन सही ना लिख सके आ ऊ बड़का अखबार के सम्पादक हो के कवन ना कवन ईनाम पा लेहलस. चापलूसी ई देश के धर्मनिरपेक्षता ह. अगर केहू ना करवाये त पक्का जान ल कि करत होई. चापलूसी के पहिलका अक्षर होला ‘चा’, अब तूं कहबऽ ‘तऽ ?’ भाई चाशनीओ के पहिलका अक्षर होला ‘चा’. दूनो एके नाहिन लसलस. दू तार के चाशनी. चापलूसो दू तरह के होले सन. हां एगो ऊ जे खुदे लसलस बा. सबसे ज्यादा लसलसा लोग बाजार में रहेला. बाजार में एगो चाशनी के बड़का कड़ाह हमेशा चढ़ल रहेला. लेकिन बजार केहु के भाव ना देला ऊ बस भाव तय करेला. बजार ओही के सम्मान करेला जेकर भाव तय हो जाला. हँ त कहत रहनी कि चापलूस दू तरह के होले सन. पहिलका बजारू जेकर भाव बजार से तय होला. आ एगो होला देखा देखी के. रामबड़ाई करऽतारे त जोखन तिवारिओ करिहें. बजार में कुछ लोग जेकर चापलूसी करत लउकेला ओकरे चापलूसी में टूट परेला लोग. अब चाहे अम्बानी के होत होखो चाहे मोदी के. अइसन लोग आपन दिमाग ना लगावे, आपन मन ना टोए. आ बे दिमाग के काम करे वाला लोग के बुड़बक कहल जाला. अब ई बुड़बक शब्द कहां से आइल एकरा खातिर कबो टाईम मिली त आपन संघतिया डा. ओ. पी सिंह से एकरा बारे में बतियाएब. फिलहाल त चापलूसने से हरान बानी. हं त ई बुड़बक शब्दो बिना सोचले काम करे वाला खातिर छोट बा. एकरो से बड़हन शब्द के दरकार बा. लेकिन ऊ शब्द एहिजा लिखल ना जा सके.

बाजार के रणनीति एकदम पारदर्शी होला. ओकरा जेकरा में नाफा लउकेला ओकरा के पहिले लोकप्रिय बनावेला आ तब धीरे से ओकरा के महान बना देला. ई सब चापलूसी के माया ह लेकिन चापलूसी व्यापक रूप में तब कामयाब होई जब बजार से आवे.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं.
यूपीआई पहचान हवे -
anjoria@uboi


सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.


अबहीं ले 10 गो भामाशाहन से कुल मिला के पाँच हजार छह सौ छियासी रुपिया के सहयोग मिलल बा.


(1)


18 जून 2023
गुमनाम भाई जी,
सहयोग राशि - एगारह सौ रुपिया


(3)


24 जून 2023
दयाशंकर तिवारी जी,
सहयोग राशि - एगारह सौ एक रुपिया


(4)

18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया


(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया


(5)

5 अगस्त 2023
रामरक्षा मिश्र विमत जी
सहयोग राशि - पाँच सौ एक रुपिया


पूरा सूची


एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.


अँजोरिया के फेसबुक पन्ना

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up