हाल ही में भाजपा के यूपी प्रदेश उपाध्यक्ष बनावल गइल दयाशंकर सिंह मऊ में भाषण देत घरी जोश में आके बसपा सुप्रीमो मायावती पर अइसन बोल मार दिहलन कि उगिलला का बादो गरदन में अ़टक के रहु गइल बा. अलग बात बा कि ओहू ले खराब बोल मोदी का खिलाफ कुछ लोग आए दिन बोलत रहेला आ मोदी कबो एकरा के मुद्दा ना बनवलन. बाकिर मायावती त मायावती हई. काल्हु राज्यसभा में अपना खिलाफ बोलल बोल लेके दयाशंकर सिंह के गिरफ्तारी माँगे लगली.
बोल अइसन बेतुका रहल कि ओहपर रफ्फू करे के कवनो गुंजाइश ना देखि भाजपा तुरते दयाशंकर सिंह के पद से हटा दिहलसि आ छह बरीस ला उनुका के भाजपा से तड़ीपार क दिहलसि. बाकिर मायावती के तोस ना मिलल. कहली कि उनुका के गिरफ्तार कइल जोव ना त उनकर लोग बवाल करे लागे त उनुकर दोस ना रही.
बिहार चुनाव से पहिले जवना तरह असिष्णुता के पुपुही बजावत सगरी मूस मुसकोइल के बहरा आ गइल रहलें वइसने साजिश अबकियो होखे जा रहल बा. जानबूझ के हिन्दूवन के उकसावल जाई आ ओकरा बाद चारो तरफ से सियारन के हुँआ हुँआ के अइसन हल्ला होखी कि यूपीओ में भाजपा के हरवावे के जमीन बना लीहल जाई. गुजरात से एकर शुरुआतो हो चुकल बा.
मायावती, दयाशंकर सिंह, भाजपा, बसपा
