(बुध 14 सितम्बर)
- अगिला दू तीन दिन बिहार आ उत्तर प्रदेश में बढ़िया बरखा हो सकेला.
- मुजफ्फरपुर के श्रीकृष्ण मेडिकल कॉलेज अस्पताल में एगो औरत के गोड़ के आपरेशन का जगहा ओकरा पेट के आपरेशन कर दिहला के मामिला तूल पकड़ लिहले बा.
- पूर्वी चंपारण जिला के पकड़ीदयाल थाना इलाका में मंगल देर रात एगो आयुर्वेद चिकित्सक के गोली मारके हत्या कर दिहल गइल.
- बेगूसराय के रणधीरी गाँव के रामाश्रय प्रसाद सिंह के दुख बा कि पहिले त उनुकर पुलिस अधीक्षक बनल बेटा शहीद हो गइल, फेर पतोह दोसर बियाह कर लिहलसि आ अबले बिहार सरकार बेटा के शहीद होखला पर कइल वादा आजु ले पूरा ना कइलसि.
