सिक्ख नरसंहार के आरोपी टाइटलर का खिलाफ मामिला फेर से खोलल जाई

सीबीआई के बार बार कोशिश का बावजूद कि कांग्रेसी नेता जगदीश टाइटलर का खिलाफ सिक्ख नरसंहार का दौरान हत्या के मामिला बंद कर दिहल जाव अदालत सीबीआई के बात ना मनलसि आ कहलसि कि मामिला के जाँच फेर से कइल जाव. एकरा पहिलहू एक बेर सीबीआई एह मामिला के बंद करे के गोहार लगवले रहुवे बाकिर अदालत ओहू बेर नकार दिहले रहुवे.

साल १९८४ में इंदिरा गाँधी के हत्या का बाद दिल्ली आ देश के अनेके शहरन में सिक्ख समुदाय के लोग के संपति लूट लिहल गइल रहुवे आ नाहियो त तीन हजार सिक्खन के हत्या कर दिहल गइल रहे. एतना बड़ नरसंहार का बावजूद एह मामिला में शायदे केहू के सजा मिलल होखे.

आ इहो जाने जोग बा कि देश में मुसलमान समुदाय का खिलाफ सबले बड़ दंगा आसाम के नेल्ली में भइल रहुवे जब ओहिजा राष्ट्रपति शासन रहुवे आ केन्द्र में कांग्रेस के सरकार. एकरा बावजूद कांग्रेस अपना के अल्पसंख्यकन के सबले बड़ हितैषी बतावल रहेले.

Loading

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll Up